Avoid smoking سگريٽ نوشي کان پرھيز ڪريو

وڌيڪ پڙهو

Value your parents پنھنجي والدين جو قدر ڪر

وڌيڪ پڙهو

Vitamin B6 وٽامن بي6 | اصغر ساگر

وٽامن بي6    Vitamin B6

”اصغر ساگر“

۔۔۔۔۔۔۔۔۔۔۔۔۔۔۔۔۔۔۔۔۔

ھن وٽامن کي پريڊوڪسين Pyridoxine بہ سڏيو وڃي ٿو. توانائي جي سطح  ۽ گهرڙبدليت Metabolism برقرار رکڻ لاء وٽامن بي6 جي ضرورت پوي ٿي. ھي وٽامن چرٻين Fats ۔ نشاستن Carbohydrates ۽ پروٽين Protein کي ٽوڙڻ لاء ٻين وٽامنن سان گڏجي ڪم ڪري ٿي. وٽامن بي6 رت جي پروٽين پيدا ڪرڻ لاء خاص ڪردار ادا ڪري ٿي. دماغ جي گهرڙن کي عملي طور تي عصبي نفوذو Neurotransmitter  ڄاتو وڃي ٿو ۽ جسم ۾ ردعمل طور 100 کان وڌيڪ بائيو ڪيميڪل ڪردار ادا ڪن ٿا.

وٽامن بي6 ساڳن ڪيميائي مرڪبن سان واسطو رکي ٿي جيڪي حياتياتي سرشتي سان واسطو رکن ٿا. وٽامن بي6 وٽامن بي گروپ جو حصو آھي. ھن جي سرگرم جوڙجڪ پريڊوڪسل 5۔فاسفيٽ Pyridoxal 5′-phosphate آھي ۽ امينو ايسڊ Amino acid ۔ گلوڪاڻ Gulucose ۽ چرٻ گهرڙبدليت Lipid metabolism ۾ 100 مددو خامرن طور ڪم ڪري ٿي.

ٻارن جي خاص دماغ جي اوسر ۽ سڀني عمر جي ماڻھن لاء وٽامن بي5 جي ضرورت پوي ٿي. اھاجسم کي سيروٺ Serotonin harmone ھارمون ٺاھڻ ۾ مدد ڏئي ٿي جيڪو مزاج کي باقائدي ڪري ٿو ۽ نوريپ Norepinephrine ھارمون جوڙڻ ۾ مدد ڪري ٿي جيڪو جسم کي ڇڪتاڻ Stress سان منھن ڏيڻ ۾ مدد ڪري ٿو.

 وٽامن بي 6 جا مختلف فعل آھن ان ڪري صحت جي بھتري لاء ھن وٽامن جي روز ضرورت پوي ٿي. وٽامن بي6 دماغ Brain ۔ چمڙي Skin ۽ وارن Hair جي صحت کي برقرار رکي ٿي ۔ فالڄ جي روڪ ڪري ٿي ۔ ڇڪتاڻ Stress ۽ مونجھ Depression کي مٽائڻ ۾ مدد ڪري ٿي ۔ رت جي کوٽ دور ڪري ٿي ۔ ٿڪ ھٽائي ٿي ۔ سڪون واري ننڊ ڏئي ٿي ۔ خواب ڏيکارڻ ۾ مدد ڪري ٿي ۽ خاص ڪري حمل وارين عورتن ۽ ٻارن لاء مفيد آھي.

وٽامن بي6 عصبي نفوذن Neuro transmitters جي اپت ۾ مدد ڪري ٿي، اھڙو ڪيمياڻ جيڪو جيڪو دماغ Brain ۽ تنت Nerve cells جي گهرڙن وچ ۾ رابطو پيدا ڪري ٿو ۽ پڪ ڏئي ٿو تہ گهرڙ بدل مرحلا جيئن چرٻي ۽ نشاستي جي گهرڙبدليت Metabolism ھموار ھلي ٿي ۽ پراڻي انفراديت ۾ مدافعتي سرشتي جي ڪم لاء اھم آھي. وٽامن بي6 دماغ لاءِ بھترين هوندو آهي، وٽامن بي 6 سيروٺ ٺاهيندو آهي جيڪو دماغ جي ڪارڪردگي کي بھتر ڪندو آهي، جسم جي موڊ کي صحيح رکي دٻاءُ کي گهٽ ڪندو آهي. تحقيق مان خبر پئي آهي تہ وٽامن بي 6 جي گهٽتائي ڊپريشن پيدا ڪري ڇڏيندي آهي، ان لاءِ جڏهن اوهان جو دماغ دٻاءُ کان آزاد ۽ خوشگوار موڊ ۾ هجي تہ اهو بھترين طريقي سان ڪم ڪندو آهي ۽ ڄاڻ کي محفوظ ڪندو آهي.

وٽامن بي6 جي کوٽ جون نشانيون :-

چمڙي جا داڻا      Skin Rashes

چپن تي ڏار        Cracked lips

چپن تي سوڄ     Sore Lips

زبان جي سوڄ    Sore tongue

   

لاسڙ زبان           Glossy Tongue

مزاج ۾ تبديليون Mood Changes

ڪمزور مدافعتي سرشتو

Weakened Immune Function

ٿڪ                  Tiredness

گهٽ توانائي       Low Energy

ھٿن ۽ پيرن ۾ درد   Pain in Hands and Feet

ھٿن ۽ پيرن ۾ ڌونڪ    Tingling in Hands and Feet

ھٿن ۽ پيرن ۾ ھڙڳ

ھٿن ۽ پيرن ۾ ٽراٽون

چيرون               Seizures

وٽامن بي6 جا وسيلا :-

ھن وٽامن ۾ ڪيلو ۔ انناس ۔ ليمو ۔ نارنگي ۔ پالڪ ۔ ساڳ ۔ سبزيون ۔ اڇي گجر ۔ صوف ۔ ٿوم ۽ بيدو وغيرھ شامل آھن.

ھلندڙ

پريڊوڪسين           Pyridoxine

چرٻين                   Fats

نشاستن                 Carbohydrates

پروٽين                   Protein

عصبي نفوذو          Neurotransmitter

پريڊوڪسل 5۔فاسفيٽ      Pyridoxal 5′-phosphate

امينو ايسڊ                        Amino acid

گلوڪاڻ                            Gulucose

چرٻ گهرڙبدليت                Lipid metabolism

سيروٺ                            Serotonin harmone

نوريپ                              Norepinephrine

 ڇڪتاڻ                           Stress

مونجھ                             Depression

وڌيڪ پڙهو

Blue Java Banana نيرو ڪيلو ۔ نيرنج ڪيلو | اصغر ساگر

“Blue Java Banana”

”نيرو ڪيلو ۔ نيرنج ڪيلو ۔ آئسڪريم ڪيلو ۔ حوائي ڪيلو“

”اصغر ساگر (اصغر علي چانڊيو)“

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنيا ۾ ھڪ ھزار کان مٿي ڪيلن جا قسم آھن ھر ڪيلو پنھنجي مناسبت سان افاديت ۽ اھميت رکي ٿو ھر ڪيلو پنھنجو ذائقو رکي ٿو. نيرنج ڪيلو بہ انهن مان ھڪ آھي. يورپي ملڪن ۾ ھن ڪيلي کي محبت جي نظر سان ڏٺو ويندو آھي ان ڪري اڪثر يورپي ھن ڪيلي کي پيار Love چوندا آھن. واقعي جڏھن ھن ڪيلي کي ڏسبو آھي تہ دل کي ازخود ھن جو منظر وڻندو آھي ايتري قدر جو ھي ڪيلو ھر گهر جي اڱڻ ۾ پوکيو ويندو آھي ۽ ھن کي ڏسي سڪ جي آسيس کي سڪون ملندو آھي.

نيرنج ڪيلن کي نيرو چاندي جھڙو رنگ ھوندو آھي جڏھن اھي اڃان ننڍا ۽ اوسر ۾ ھوندا آھن پر پچڻ کان پوء پيلا ٿي ويندا آھن. اھي عام ڪيلن جي ڀيٽ ۾ ننڍا ۔ مستطيل نموني ۽ گڪا plump  ھوندا آھن. ھن جو ذائقو ماکي ۽ ونيلا ڪسٽرڊ جھڙو ھوندو آھي. ھن جو ذائقو ونيلا آئسڪريم سان ملي ٿو ۽ ونيلا آئسڪريم جيترو بھترين ذائقو رکي ٿو.

نيرنج ڪيلي جو نباتات ۾ نالو موسا اڪيومنيٽا Musa acuminata آھي. نيري ڪيلي کي فجي ۾ پاڪا ۔ وچ آمريڪا ۽ اوڀر انڊيا ۾ ڪينزو ۽ فلپين ۾ ڪرائي ۽ حوائي ۾ حوائي ڪيلو يا آئسڪريم ڪيلي جي نالي سان سڏيو وڃي ٿو.

موسا بلبسيانا Musa balbisiana ۽ موسا ايڪيومنٽا Musa acuminata کي پيوند ڪري ھڪ نئون ڪيلو ٺاھيو ويو جنھن کي نيري ڪيلي جي نالي سان سڏيو وڃي ٿو. 

ھي ڪيلو چرٻي گهٽائيندڙ ۽ دل لاء متوازن غذا Heart-healthy diet آھي. ھي توانائي ڏيڻ کان سوا ٻيا ڪيترائي فائدا رکي ٿو. ھن ۾ پوٽيشم ۔ وٽامن ۔ معدنيات ۔ غذا وارا خامرا ۽ نباتي متوازن جزا Phytonutrients ٿين ٿا. نيرو ڪيلو ھر کاڌي ۾ استعمال ٿئي ٿو ۔ ڪسٽرڊ ۾ پوي ٿو ۔ مانين ۾ شامل ٿي ان کي ذائقيدار ڪري ٿو ۔ ڪيڪن جي زينت بنجي ٿو ۔ آئس ڪريم جي سواد کي وڌائي ٿو ۽ ڪريمن جي ذائقي کي وڌائي ٿو.

نيري ڪيلي مان ڪافي ذائقيدار شيون ٺھن ٿيون. ھي اخڙوٽ ۔ چاڪليٽ ۽ تازن ميون سان گڏجي غذادار ڏھي يو ڪريم جي سواد کي وڌائي ٿو.  Blue Banana Frozen Yogurt کي جنوري 2011ع ۾ ايجاد ڪيو ويو جنھن کي کائڻ سان وڏو لطف اچي وڃي ٿو ۽ دل ان کي وري وري کائڻ لاء چوي ٿي.

نيري ڪيلي سان 2 ڪھاڻيون منسوب آھن. پھرين ھن کي يورپ جي بليو بنانا ڊسٽرڪٽ سان لاڳاپيل ڏيکاريو ويو آھي. ٻيو ھن بابت رايو آھي تہ اھو ڏکڻ برطانيہ مان شروع ٿيو پوء اتر فرانس ڏي وڌيو. ان کان پوء اوڀر کان ٿي جرمني ڏي ۽ آخر ۾ ڏکڻ کان اٽلي ڏي. مڙيل ھئڻ ڪري ھن تي بليو بنانا ضلعي جو نالو پيو.

بليو ڇو؟

ھي بليو بنانا ڊسٽرڪٽ اٽلي وارو علائقو يورپ جي معاشي ۽ سماجي ڪرنگهي کي ظاھر ڪري ٿو جتي ڪيلي کي ٻن ڪيلن کي پيوند ڪري تخليق ڪيو ويو. نيري ڪيلي مان ٺاھيل ڏھي تمام سواد واري ٿئي ٿي جنھن کي اڃان بہ کائڻ لاء دل چوندي آھي. ھن مان ٺھيل حوائي واري آئسڪريم تمام مشھور آھي. حوائي ملڪ ۾ 100 کان وڌيڪ ڪيلن جا قسم اپايا وڃن ٿا سڀ جا سڀ ذائقيدار.

ھن ڪيلي ۾ نشاستو ۽ کنڊ ٿئي ٿي. نشاستو کنڊ ۾ تبديل ٿي وڃي ٿو. جڏھن ھي ميوو پچي ٿو، ھن ڪيلي ۾ حقيقي مٺاڻ ۽ سواد اچي وڃي ٿو. حوائي ۾ ھن ڪيلي کي آئسڪريم ڪيلو چيو وڃي ٿو. ھي 15 کان 20 فٽ ڊگهو ٿئي ٿو. ھن جون ٽاريون ننڍيون ٿين ٿيون ھي 7 کان 9 ھٿ رکي ٿو. شڪل ۾ ڪٻو يا گڪو Plump نظر اچي ٿو. ھن ڪيلي جي کل سخت ٿئي ٿي ان ڪري ٿڌ برداشت ڪرڻ جي وڏي سھپ آھي ڀلي طوفان اچن پر ھي ڪيلي جو وڻ لکا محسوس نٿو ڪري.

نيرنج ڪيلا مشھور ڪيلا آھن ڇوجو انهن کي رڌي يا تازو کائي سگهجي ٿو. ھي ذائقي جي حساب سان مقبول آھن جن جو ذائقو ونيلا آئسڪريم سان ٺھڪي ٿو. ھي ڪيلو کائڻ وقت آئسڪريم ۾ 14 چنڊ لڳائي ٿو.

نيري ڪيلي کي صوف ڪيلو يا منانو ڪيلو بہ سڏيو وڃي ٿو. ھن ڪيلي ۾ 8 امينو ايسڊ ٿين ٿا جن کي اسان جو جسم پاڻ پيدا ڪري نٿو سگهي.

نيرنج ڪيلي جا فائدا :-

◀ھي ڪيلو ٻين ڪيلن وانگر پوٽيشم جو بھترين ذريعو آھي

◀ترت توانائي مھيا ڪري ٿو

◀ٿڪ جي احساس کي جلدي ختم ڪري ٿو

◀پاڻ ۾ قدرتي مٺاڻ رکي ٿو

◀ھڏين جي نشونما ڪري ٿو

◀دستن ۾ مفيد آھي

◀ڀاڄي طور استعمال ٿئي ٿو جنھن کي کائڻ سان ذائقي جا وارا نيارا ٿي وڃن ٿا

◀ڏھي کي ڄمائي ٿو

◀ڏھي ۾ پنھنجي بھترين آميزش سان ان جي سواد کي بھترين بنائي ٿو

◀ذائقي ڀلي ھئڻ ڪري وڌيڪ کائڻ جي رغبت ڏئي ٿو.

By Asghar Ali Chandio

وڌيڪ پڙهو

زبان جون ڇاپون Tongue prints

وڌيڪ پڙهو

Vitamin B5 وٽامن بي5 | اصغر ساگر

وٽامن بي5   Vitamin B5

”اصغر ساگر“

۔۔۔۔۔۔۔۔۔۔۔۔۔۔۔۔۔۔۔

وٽامن بي5 جنھن کي پينٿونڪ ايسڊ Pantothenic acid چوندا آھن اھا انساني زندگي لاء اھم وٽامن ۾ شمار ٿئي ٿي. ھي وٽامن پاڻي ۾ حل ٿيڻ جوڳي آھي ان ڪري ھنجي واپرائڻ سان صحت کي ڪو نقصان نٿو ٿئي پر دست ٿي سگهن ٿا. ھي وٽامن ٻين بي وٽامنن وانگر پروٽين Protein ۔ نشاستن  Carbohydrates ۽ چرٻين Fats کي ٽوڙي توانائي ۾ تبديل ڪري ٿي. ھي وٽامن وارن Hair ۔ چمڙي Skin ۔ اکين Eyes ۽ تنتي سرشتي Nerve system لاء مفيد آھي. ھي تنتي سرشتي Nerve system کي فروغ ڏئي ٿي ۽ جيري جي ھاضمي جي سرشتي لاء رت جا ڳاڙھا گهرڙا تشڪيل ڏئي ٿي جيڪي جسم ذريعي آڪسيجن کڻي ھلن ٿا ۽ اڏور غدودن ۾ جنسي گهرڙا ٺاھن ٿا. وٽامن بي5 رت جي ڳاڙھن گهرڙن کي ترتيب ڏئي ٿي ۔ اڏور غدودن Adrenal glands کي منظم ڪري ٿي ۔ پت Cholesterol  جو مرڪب ٺاھي ٿي ۽ مٿ پت High cholesterol کي گهٽائڻ ۾ اھم ڪردار ادا ڪري ٿي. چرٻاڻ Triglyceride  کي ختم ڪرڻ لاء ڏينھن ۾ 3 دفعا پينٽٿين 300 گرام وٺڻ گهرجي.

وٽامن بي5 ڪارگر موادن جيئن چرٻين Fats ۔ پت Cholesterol  ۔ پسارن Steroids ۔ عصبي نفوذن Neurotransmitters  ۔ ڳاڙھن گهرڙن Red cells جي ترتيب بندي ڪري ٿي. وٽامن بي5 تاڻي ھارمون Cortisol harmone کي باقائدي ڪري ٿو. جڏھن توھان جذباتي ڇڪتاڻ Emotional conflict مان گذرو ٿا تہ توھان وڌيڪ تاڻا ھارمون Cortisol harmone پيدا ڪريو ٿا جيڪي موٽ ۾ وٽامن بي5 کي کٽائين ٿا. کنڀي وري توازن ۾ مدد ڪري ٿي.

وٽامن بي5  (A (CoA مددو خامري جو مرڪب آھي جيڪو توانائي جي اپت ۾ چرٻين Fats ۽ نشاستن Carbohydrates، ان کان سوا اڏور ھارمونن Adrenal harmones ۽ رت جي گهرڙن Blood cells جي کاپي جو مرڪب آھي. ھي وٽامن خاص طور تي غيرمعمولي طور تي اڏور جي ڪم Adrenal function ۾ اھم آھي ۽ گهڻي عرصي کان اڏور جي ڪم Adrenal function ۽ گهرڙاتي گهربدليت Cellular metabolism جي ڪري ڇڪ روڪ وٽامن Anti stress vitamin سمجهي وڃي ٿي. 

حمل واريون عورتون يا ٿڃ ڏيندڙ عورتن لاء وٽامن بي اھم آھي. ھن جي کارائڻ سان عورت ۾ توانائي اچي وڃي ٿي ۔ رت وڌي ٿي ۔ ٿڃ پياريندڙ عورت جو کير وڌي ٿو ۽ ھن جو گهرڙبدل سرشتو برقرار رھي رھي ٿو.

وٽامن بي5 جي کوٽ جون نشانيون :-

اي ڊي ايڇ ڊي           ADHD

سنڌن جو سور          Arthrid

چمڙي جا مسئلا         Skin problems

الڪوحل جي ھير      Alcoholism

ايلرڄيون                  Allergies

وار ڪرڻ                  Hair loss

دم                            Asthma

دل جا مسئلا              Heart problems

آڱرين جو عصبي درد  Carpal tunnel syndrome

ڦڦڙن جو بگڙڻ                  Lung disorders

تنتي ڀڃ ڊاھ             Nerve damage

 آنڊي جي سوڄ         Colitis

 اکين جا ڇوت           Eye infections

 تشنج ۔ عضون جي ڇڪ    Convulsions

 بڪين جو بگڙڻ        Kidney disorders

ٻڦو                           Dandruff

 ذھني مونجھ            Depression

 شڳر جا مسئلا           Diabetic problems

مٿي جا سور              Headaches

ذھني ڇڪتاڻ            Hyperactivity

گهٽ بي پي                Low blood pressure

ننڊ نہ اچڻ                  Insomnia 

چڙ                             Irritability

ڪثرتي اوڄي درد       Multiple sclerosis

مشڪي درد                Mascular cramps

وٽامن بي5 جا وسيلا :-

ھي وٽامن کنڀي ۔ گرين ۔ ڦرين ۔ گوشتن ۔ ڊيري شين ۽ بيدن تي مشتمل آھي. ھن وٽامن ۾ ولايتي ناسپتي ۔ بيدو ۔ کير ۔ کنڀي ۔ پٽاٽو ۔ اناج ۔ خمير ۔ گوبي ۔ ڪڪڙ ۔ کيري ۔ مٽر جي ڦرين ۔ گل گوبي ۔ بڪي ۽ جيرو اچي وڃن ٿا.

چرٻيون ۔ چرٻين                                           Fats

پت                                                 Cholesterol

پسارا ۔ پسارن                                        Steroids

عصبي نفوذن                       Neurotransmitters

ڳاڙھا گهرڙا ۔ ڳاڙھن گهرڙن                      Red cells

تاڻو ھارمون ۔ تڻڪ ھارمون ۔ تاڻي ھارمون  Cortisol

ھلندڙ

وڌيڪ پڙهو

Vitamin B3 وٽامن بي3 | اصغر ساگر

 وٽامن بي3        Vitamin B3

اصغر ساگر

۔۔۔۔۔۔۔۔۔۔۔۔۔۔۔

• 

وٽامن بي3 جسم ۾ وڏي حد تائين استعمال ٿئي ٿو. ھي وٽامن ھاضمي جي سرشتي Digestive system ۔ چمڙي Skin ۽ تنتي سرشتي Nerves system جي فعلن ۾ مدد ڪري ٿي. وٽامن بي3 کي نياسن ۽ نڪووٽنيمائيڊ ۽ ۽ انوسيٽو ھيڪسانڪوٽنيٽ چئجي ٿو.

تحقيق مطابق وٽامن بي3 ٺوس پت HDL کي فروغ ڏئي ٿي ۔ چرٻاڻ Triglyceride کي گهٽ ڪري ٿي ۽ چرٻ پت LDL ۾ گهٽتائي آڻي ٿي.

  وٽامن بي3 مٿ پت High cholesterol  ۽ دل جي بيمارين Heart disease لاء ڪم اچي ٿي.

ڏسجي تہ وٽامن بي3 مٿ پت High cholesterol  کي ھيٺ لاھي اچي ٿو ۽ جيري جي نقصان Liver damage ۽ گئس باد جي مسئلن  Gastrointestinal problems کي حل ڪري ٿي ۔ دل جي دوري Heart attack جي جوکن کي گهٽ ڪري ٿي ۽ پيليگرا Pellagra بيماري کي روڪي ٿي.

وٽامن بي3 جسم جي 200 کان مٿي خامرن Enzymes

 جي ڪمن کي پاڻڀرو ڪري ٿي. وٽامن بي3 ٻن ڪيمياڻ نڪوٽنڪ ايسڊ Nicotinic acid ۽ نياسنيمائيڊ Niacinamide جي جوڙجڪ آھي. جسم انهن کي ٽوڙي ٻہ نوان ڪيمياڻ نيڊ NAD ۽ نيڊپ NADP پيدا ڪري ٿو.

نيڊ ۽ نيڊپ جسم ۾ مختلف ڪيميائي رد عملن ۾ اھم ڪردار ادا ڪن ٿا ۽ گهرڙي جي گهرڙبدليت Cell metabolism  کي مدد ڏين ٿا ان ڪري جن ماڻھن ۾ وٽامن بي3 جي کوٽ آھي اھي صحت جي مسئلن ۽ عارضن کي منھن ڏيئي سگهن ٿا جيڪي جيون کي ڌچڪو ڏيئي سگهن ٿا.

وٽامن بي3 پاڻي ۾ حل جوڳي وٽامن Water soluble vitamin آھي مطلب اھا جسم ۾ جسم نٿي ٿئي رت ۾ گردش ڪري مطلوبہ فائدا ڏيئي پيشاب ذريعي نڪري وڃي ٿي. گوشت ھن وٽامن جو متبادل ذريعو آھي.

وٽامنن بي وانگر ھي وٽامن نشاستي Carbohydrates ۔ چرٻين Fats ۽ پروٽين Protene کي ٽوڙي توانائي Energy ۾ تبديل ڪري ٿي. ان کان علاوا ھي جيري Liver ۽ غدودن Glands جي ڪمن ۾ ھاڪاري ڪردار ادا ڪري ٿي. ھي وٽامن اڏور غدودن Adrenal glands کي پيدا ڪري ٿي ۽ جيري مان نقصانڪار ڪيمياڻ خارج ڪري ٿي. ھي وٽامن اڌ مٿي جي سور Migraine  ۔ رت جي دوري  Circulation problems ۔ مٿي جي ڦيري Dizziness  ۽ ڪالرا سان منسلڪ ڊائريا Diarrhea associated with cholera جھڙن عارضن جي علاج طور ڪم اچي ٿي.

وٽامن بي3 جا وسيلا :-

ھي وٽامن گوشت ۔ جو جي ڏاري ۔ ڪڻڪ جي ڏاري ۔ ايڪڏو ۔ ٽماٽي ۔ کجور ۔ مٺي پٽاٽي ۔ کنڀي ۔ ڳاڙھي گجر ۔ بادام ۔ پالڪ ۔ نيري اسٽرابيري ۔ شملا مرچ ۔ اخڙوٽ ۔ گل گوبي ۔ بيدو ۔ اسٽرابيري ۔ سليمان مڇي ۔ ٽي ٻوٽو ۔ نارنگي ۔ ڪيلو ۔ صوف ۔ انناس ۔ پن گوبي ۔ ڪڪڙ ۔ گرين جيئن بوھي منڱ ۔ نيزي ۔ پستي ۽ کيري ۾ اچي وڃي ٿي.

وٽامن بي3 جي کوٽ جون نشانيون :-

پيليڳرا بيماري Pellagra.

شديد غصو.

لڙائي جهڳڙو.

چمڙي جي خارش.

ننڊ جي کوٽ.

جسماني ڪمزوري.

پيٽ جي خرابي.

دست.

ويسر.

ڪمزوري.

چمڙي جا مرض.

ڳڙ.

ڦرڙيون.

داڻا.

ٽڪا.

پيچش.

ھاضمي جي خرابي.

ننڊ نہ اچڻ.

ڪالرا واري ڊائريا.

اڌ مٿي جو سور.

ھلندڙ

وڌيڪ پڙهو

Sad reality of today اڄ جي غم ڀري حقيقت

وڌيڪ پڙهو

To lick one's own elbow. پنھنجي ٺوٺ کي زبان ھڻڻ.

وڌيڪ پڙهو

Vitamin B2 وٽامن بي2 | اصغر ساگر

 وٽامن بي2         Vitamin B2

”اصغر ساگر“

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وٽامن بي 2 کي رائبوفليون Riboflavin پڻ سڏيو وڃي ٿو جيڪا تڪسيد روڪ Antioxidant پڻ آھي ھي آزاد تڪسيدي جزن Free radicals کي ختم ڪري جسم ۾ توانائي جو روح ڦوڪي ٿي. ھي وٽامن پروٽين Proteins ۔ امينوايسڊ Amino acid۔ نشاستي Carbohydrate  ۔ چرٻين Fats کي ٽوڙي توانائي ۾ تبديل ڪري ٿي ۽ اوڄن Tissues کي برقرار رکي ٿي. ھي وٽامن پاڻي ۾ حل ٿيڻ جوڳي آھي. پاڻي ۾ حل ٿيڻ جوڳين وٽامنن جي اھا خوبي آھي جو اھي رت جي دوري ۾ ھلن ٿيون ۽ پيشاب ذريعي خارج ٿي وڃن ٿيون ساڳا اثر وٽامن بي2 رکي ٿي. ھن وٽامن جو اھم ڪم صحتمند رت جا گهرڙا ٺاھڻ آھي جيڪي اکين ۽ چمڙي کي بھتر بنائڻ ۾ مدد ڪن ٿا گڏوگڏ توانائي جي سطح کي وڌائن ٿا. ھي وٽامن گهرڙ بدليت Metabolism کي بھتر بنائڻ ۾ مدد ڪري ٿي ۔ پيٽ وارين عورتن جي ھڏين کي مضبوط ڪري ٿي ۽ ٻار جي اعصابي قوت کي وڌائي ٿي. وٽامن بي 2 جي کوٽ ٿيڻ آسان ناھي ڇوجو ھي ڪافي شين ۾ موجود ٿئي ٿي. پنھنجي خوراڪ ۾ سبزين ۔ بيدن ۔ ميون ۽ کير کي شامل ڪجي. انهن شين ۾ شامل غذائيت جسم ۾ وٽامن بي 2 جي کوٽ پوري ڪري ٿي ۽ صحت کي بھتر بنائي ٿي. ھي وٽامن اسان جي چمڙي ۔ نڪ ۔ ڪن ۔ چپ ۽ زبان لاء مفيد آھي. وٽامن بي 2 يا ربوفلينن قدرتي طور تي ڪجھ غذائن ۾ ٿئي ٿي. ھي مصنوعي شڪل ۾ ٻين کاڌن ۾ موجود ھوندي آھي. وٽامن بي 2 ڳاڙھن گهرڙن جي تعمير ۾ مدد ڪري ٿي ۽ توھان کي توانائي پھچائيندڙ گهرڙاتي فعلن کي ٽيڪ ڏين ٿا جن ۾ چرٻي ۔ پروٽين ۽ نشاستي جون خرابيون شامل آھن. وٽامن بي 2 حاصل ڪرڻ لاء صحتمند ۽ متوازن غذا کائجي. وٽامن بي2 جتي غذائن ۾ ملي ٿي اتي ھن جون سپليمينٽون ملن ٿيون. ھي ننڍي آنڊي ۾ جذب ٿيندي آھي. ھي وٽامن فولاد ۔ فولڪ ايسڊ ۔ وٽامن بي1 ۔ وٽامن بي3 ۽وٽامن بي6 جذب ڪرڻ ۾ مدد ڪري ٿي ۽ انهن کي تحرڪ ڏئي ٿي.

وٽامن بي2 جا وسيلا :-

سبزيون ۔ اناج ۔ دل ۔ بڪي ۔ جيري ۔ بيدا ۔ ڳاڙھو گوشت ۔ ٽونو مڇي ۔ سامن مڇي ۔ ٻڪري جو گوشت ۔ رڍ جو گوشت ۔ سويا ۔ بادام ۔ بيدي جي اڇاڻ ۔ اسٽرابيري ۔ پالڪ ۔ مٺن پٽاٽن ۔ گل گوبي ۔ کنڀي ۔ اناج ۔ کير ۔ ڏھي ۔ املوڪ ۔ گرين ۔ ناسپتي ۽ پنير شامل آھن.

وٽامن بي2 جا فائدا :-

ھي وٽامن ھلڪي ۽ حساس ٿئي ٿي.

ھارمونن جي ترڪيب ڪري ٿي.

نظر کي بھتر بنائي ٿي.

تابڪاري شعائن کان ريٽينا جي حفاظت ڪري ٿي.

اکين جي رنگن جي تصور کي بھتر بنائي ٿي.

اعصابي نظام کي مضبوط ڪري ٿي.

ھڏين کي طاقت ڏئي ٿي.

ڏورن جي اوڄن کي قوت ۽ ترقي ڏئي ٿي.

چمڙي کي لسو رکي ٿي.

وارن کي بھتر بنائي ٿي.

پيٽ واري عورت لاء مفيد آھي.

ماء جي پيٽ ۾ ٻار کي وڌڻ ۾ مدد ڪري ٿي.

ھي وٽامن وٽامن اي سان ملي اکين کي بھتر رکي ٿي.

وٽامن بي 6 ۽ فولڪ ايسڊ سان ملي جسم تي ھاڪاري اثر ڇڏي ٿي.

وٽامن بي 2 جي کوٽ جون نشانيون :-

ڪمزوري.

ٿڪ.

مزاج ۾ تبديلي.

ڳلي ۾ درد.

چمڙي جو ڏرا ڪرڻ.

چمڙي جي سوزش.

رت جي کوٽ.

چپ پچي پوڻ.

زبان ڪارسري ٿي وڃڻ.

زبان تي سوڄ اچڻ.

اکين ۾ جلن.

اکين ۾ سوزش.

نظر گهٽ ٿيڻ.

آنڊن جي خشڪي.

پيٽ خراب.

ڳلي ۾ بار بار خرابي.

اس نہ سھي سگهڻ

زبان جي سوزش Inflammation of the tongue 

چمڙي ۾ خشڪي Dry skin.

مٿي جي خشڪي.

مٿي جو سور

اڌ مٿي جو سور

پيٽ جون بيماريون Celiac

پيٽ جي سوزش  Crohn's disease

چپن ۾ ڏار Cracked lips

وات جي اندرين سوزش

Inflammation of the lining of the mouth

ڳاڙھا چپ Red lips

ڳلي جي سوڄ Sore throat

فولاد جي کوٽ Iron-deficiency 

اکين جي خارش Itchy eyes

اکين ۾ پاڻي اچڻ Watery eyes

رت نڪرڻ Blood shot

اکين جي حساسيت Eyes sensitivity

رت جي کوٽ Anemia

خاص فائدا :-

اڌ مٿي جو سور :-

تحقيق مطابق وٽامن بي2 اڌ مٿي جي سور کي فائدو ڏئي ٿو. روزانو 5 عدد بادامن کي گلاس پاڻي ۾ گهوٽي روز پيئجي ۽ ڪوپ کير ۾ 2 ڪوپ پاڻي جا ملائي روز پيئجي. سوزش گهٽجڻ سان مٿي جو سور گهٽبو ويندو.

ھلندڙ

وڌيڪ پڙهو

Vitamin B1 وٽامن بي1 | اصغر ساگر

 وٽامن بي 1     Vitamin B1

اصغر ساگر

۔۔۔۔۔۔۔۔۔۔۔۔۔۔۔۔۔

وٽامن بي1 کي ٿيامين Thiamine بہ چيو وڃي ٿو.  وٽامن بي ون وٽامن بي گروپ جو اھم اترين رڪن آھي. هي وٽامن پنهنجي اعصابي سرشتي جي سگنل کي تيز ڪرڻ ۾ مدد ڪري ٿي، خاص طور تي اهي جيڪي توهان جي جينياتي عضون ڏانهن ويندا آهن. ھي وٽامن اسان جي جسم ۾ نشاستي کي ھضم ڪري توانائي ۾ تبديل ڪري ٿي ۔ ٿڪ دور ڪري ٿي ۔ بک لڳڻ ۾ مدد ڪري ٿي. ٿايامين جي کوٽ ٿي وڃي  تہ بيري بيري جي بيماري ٿي وڃي ٿي - اعصابي

نظام ۾ سستي اچي ٿي ۔ وزن ۾ کوٽ ۔ ويسر ۔ ٽنگن پنين ٻانھن ۾ پٽ ۔ بي ربط ڌڙڪن ۔ جسم تي سوڄ ۔ ٿڪ ۔ ياداشت ڪمزور ٿي وڃي ٿي. شراب ۽ سگريٽ پيئڻ وارن ۾ بي 1 جي کوٽ عام ڳالھ آھي ۽ قبض ۔ ياداشت جي کوٽ ۔ پيٽ جي ڀرتي ۔ معدي ۽ آنڊي جي سوزش وغيرھ ٿئي ٿي.

 ھي بيري بيري ۽ اعصابي مرض ختم ڪري اعصابن کي سڪون بخشي ٿو. وٽامن بي 1 جيڪو ٿايامين ھائيڊروڪلورڪ ايسڊ جي صورت ۾ اڇو پائوڊر ٿئي ٿو جيڪو 1897ع ۾ دريافت ڪيو ويو ائين جيئن خمير ۽ ذائقو نمڪين ۽ پاڻي ۾ حل پذير ۽ الڪوحل ۾ گهٽ حل ٿئي ٿي. خشڪ حالت ۾ ھي پائوڊر پنھنجي حالت برقرار رکي ٿو ۽ موسمي تڪسيد کان محفوظ رھي ٿو. پچائڻ دوران وڌيڪ گرمي ھن جو وڌيڪ نقصان ٿئي ٿو گرمي ھن کي تباھ ڪري ڇڏي ٿي ان ڪري وٽامن بي 1 وارين شين کي گهٽ پچايو وڃي. جيڪڏھن پچائڻ دوران مٺي سوڊا وڌي وڃي تہ اڃان ٻيڻو نقصان ٿي وڃي ٿو. پڪل شين ۾ وٽامن بي 1 جو 15 سيڪڙو تباھ ٿي وڃي ٿو. ان کان سوا وٽامن بي 1 کي گنڌڪ ۔ الڪوحل ۽ ڪيفين تي مبني شيون نقصان پھچائين ٿيون. انساني جسم ۾ موجود ننڍو آنڊو ھن وٽامن کي تقريبن پنج ايم جي روز جي حساب سان جذب ڪرڻ جي صلاحيت رکي ٿو. وٽامن بي 1 آنڊي ۾ حل ٿيڻ جوڳي ھوندي آھي. تقريبن 25 يا 30 ايم جي تبديل شدھ حالت ۾ انساني جسم ۾ ذخيرو ڪري سگهجي ٿي. عضلاتي ڍانچي ۔ دل ۔ جيري ۔ بڪي ۽ دماغ ۾ وٽامن بي 1 وڏي مقدار ۾ موجود ٿئي ٿي پوء بہ ھن وٽامن کي جسم ۾ وڌيڪ مقدار ۾ ڪٺو ڪري نٿو سگهجي. ان ڪري ھن جو روزانو استعمال ضروري آھي.

ڪم :-

وٽامن بي 1 جسم جي نشو نما ڪري ٿو ۔ دل کي محفوظ رکي ٿو ۽ دماغ جي ڪارڪردگي کي متحرڪ رکي ٿو. ھي ھي تمام اعصابي نظام کي باقائدي رکي ٿو ۔ نشاستي جي ھاضمي ۾ مدد ڪري ٿو ۔ پيشاب کي وڌائي مدر پيشاب جاري ڪندڙ آھي ۽ قبضي ٽوڙيندڙ آھي. ھي وٽامن رت جي ڳاڙھن جزن کي وچٿرو رکي ٿي ۽ رت جي گردش کي بھتر رکي ٿي جنھن سان چمڙي صحتمند رھي ٿي. ھي وٽامن ھٿ پير جي سوزش کان بچائي ٿي ۔ ٿڪ کي گهٽ ڪري ٿي ۔ توانائي وڌي ٿي ۔ دماغ کي تندرست ڪي پوڙھائپ کان بچائي ٿي ۽ نسل جي افزائش کي فروغ ڏئي ٿي. ھي وٽامن وٽامن بي جي ميمبرن سان ملي ھاڪاري اثر ڇڏي ٿي.

وٽامن بي 1 جي کوٽ جو علامتون :-

بيري بيري جو مرض ٿيڻ جنھن ۾ ھيٺيون ڌڙ سڪي وڃي ٿو.

ھلڻ ڦرڻ ۾ ڏکيائي

اعصابي ڪارڪردگي جو متاثر ٿيڻ

ھٿن ۽ پيرن ۾ درد ۽ سوڄ

دل جي بي ترتيب ڌڙڪن

عضون جو سن ٿيڻ

ويسر

ڳالهائڻ ۾ ڏکيائي

دل جي عضون جو ڪمزور ٿيڻ

ھاضمي جي خرابي

گهر بدل ڪوما

بک ختم ٿيڻ

ھاضمي ۾ ڪمزوري

 وزن ۾ کوٽ

 ۔ قبضي

بي خوابي

دل جي حرڪت ڪمزور ٿيڻ

عضلاتي ڪمزوري

 ڏورا آڪڙجڻ

 بي چيني ۾ اضافو

 معدي ۾ ھيڊرو ڪلورڪ ايسڊ جي کوٽ

 دل جا عضوا ڍرا ٿيڻ

 وار ڪرڻ

 دل جا مٿيان خانا وڌي ڪمزور ٿيڻ

 اعصابي سوڄ

پيٽ ۾ مروڙ Convulsions

دماغ ۾ رت جي کوٽ

وٽامن بي 1 جا وسيلا :-

وٽامن بي 1 اناج ۔ اٽي ۔ ماني ۔ جيري ۔ بڪي ۔ دل ۔ ڳئون جي گوشت ۔ ڪڪڙ ۔ دالن ۔ مٽر ۔ تر ۔ مغزن ۔ کير ۽ ساون پنن وارين ڀاڄين ۔ گجر ۔ ٽماٽو ۔ ٽرائوٽ مڇي ۔ گوشت ۔ ڪدو ۔کاڄا ۔ مٽر ۔ مڪئي ۔ سويا ۔ سورج مکي ٻج ۔ ڦريون ۔ پالڪ ۔ کنڀي ۔ منڱ جون ڦريون ۔ لوبيا وغيرھ ۾ پاتي وڃي ٿي.

فائدا :-

وٽامن بي 1 نشاستي جي تعمير ڪري ٿي. اعصابي نظام جا گهرڙا نشاستي جي محتاج رھن ٿا ۽ اھو ڪم وٽامن بي 1 ڪري ٿي اعصبي نظام کي توانائي پھچائي ٿي ۽ اعصابي نظام کي نقصانن کان بچائي ٿي. ھي وٽامن اعصابي ڪمزوري ۔ عضلاتي ڪن درد ۽ ڇڪ ۾ ڪارگر آھي. ھي وٽامن ڪن درن ۔ اعصابي سوڄ ۔ اعصابي دردن سنڌن جي سور (روماتزمي درد) ۽ ڪن رڳ جو سور ۾ مفيد آھي.

وڌيڪ پڙهو

Vitamin H وٽامن ايڇ | اصغر ساگر

 وٽامن ايڇ      Vitamin K

اصغر ساگر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وٽامن ايڇ عام طور تي بايوٽين Biotin جي نالي سان ڄاتي سڃاتي وڃي ٿي ھي وٽامنن جي بي ڪامپليڪس گروپ جو حصو آھي. سڀ وٽامن بي کاڌي يعني نشاستي Carbohydrate کي ٻارڻ يعني گلوڪاڻ Gulucose تبديل ڪن ٿيون جيڪا توانائي پيدا ڪرڻ لاء استعمال ٿئي ٿي.

وٽامن بي يا بايوٽين کي 1942ع ۾ ونسينٽ ڊو وگنوڊ ۽ ان جي ساٿي پاران دريافت ڪئي وئي. بي ڪامپليڪس وٽامنن جي صحت چمڙي ۔ وارن ۔ اکين ۽ جيري کي ضرورت پوي ٿي. وٽامن ايڇ بيدي جي پڪل زردي ۔ گوشت ۔ بڪي ۔ ڦرين ۔ سڄن انن ۽ چاڪليٽ ۾ پاتي وڃي ٿي. جيڪي کاڌا مرحلي مان نٿا گذرن اھي وٽامن ايڇ جو بھترين ذريعو آھن ڇوجو مرحلي مان گذريل کاڌا وٽامن ايڇ کي تباھ ڪن ٿا. وٽامن ايڇ بي ڪمپليڪس وٽامنن ۾ ھئڻ  ڪري جسم کي گهرڙ بدل چرٻ ۽ گهرڙ بدل پروٽين ۾ مدد ڪن ٿا.

ھڪ سوال اڀري ٿو وٽامن ايڇ کي بايوٽين ڇو ٿو سڏجي انهي ڪري جو وٽامن ايڇ نشاستن (توانائي) Carbohydrates - چرٻين Fats ۽ پروٽينن Protenes جي گهرڙ بدل Metabolism ڪن ٿيون. ان کان سوا اھا سڻڀاون تيزابن Fatty acids کي پيدا ڪرڻ ۾ مدد ڪري ٿي، صحتمند تنتي اوڄن Nerve tissues کي فروغ ڏئي ٿي، مک Bone marrow  جي نشونما ڪري ٿي ۽ پگهر وارن غدودن Sweat glands کي واڌ ويجھ ڏئي ٿي. صحتمند وارن ۽ چمڙي کي بايوٽين جي ضرورت پوي ٿي.

بايوٽين جي کوٽ جي ڪري وار ڇڻ Hair loss ٿئي ٿي ۔ چمڙي خشڪ Dry scaly skin - وات ۾ ڏار Cracking or cheilitis اچن ٿا ۔ زبان ۾ سوڄ Glossitis اچي وڃي ٿي ۔ اکيون خشڪ Dry eyes ٿي وڃن ٿيون ۔ ھاضمي ۾ بگيڙو Loss of appetite اچي وڃي ٿو ۔ بي خوابي Insomnia ٿي وڃي ٿي ۽ ذھني ڇڪتاڻ Depression وڌي ٿي. ان کان سوا جيڪي ماڻھو وڍ روڪ Antiseizure يا حيات روڪ  Antibiotic دوائون کان ٿا انهن ۾ وٽامن ايڇ جي کوٽ ٿي وڃي ٿي انهن کي پيٽ جون بيماريون ٿي وڃن ٿيون.

جڏھن اسان پوئين زماني ۾ ڏسون ٿا تہ اڳ ڪچيون سايون ڦريون جيئن چڻن جون ڦريون ۔ مٽرن جون ڦريون ۽ منڱن جون ڦريون کايون وينديون ھيون ۽ ڪڻڪ جو ڏارو استعمال ٿيندو ھو. ڪڏھن ڪڏھن ڪڻڪ جي ڏاري ۽ ڳڙ جو ڀت تيار ٿيندو ھو جنھن جي مٿان مکڻ مکي کايو ويندو ھو جيڪو ذائقيدار ھجڻ سان گڏ جسم تي ھاڪاري اثر ڇڏيندو ھيو ۽ جسم کي وٽامن ايڇ جي کوٽ واريون بيماريون ٿيڻ نہ ڏيندو ھو. اڳ ۾ پٽڙو ڀت تيار ٿيندو ھو جنھن مٿان مکڻ کي مکي ان جي ذائقي کي ٻيڻو ڪيو ويندو ھيو جنھن جي ڪري صحتمند چمڙي ۽ رطوبت ڀريل جسم ھوندا ھئا ڪي بيماريون ڪونہ ھونديون ھيون پر ھاڻي اسان جديديت ۾ اچي ميدي ڀريا کاڌا کائي صحت جي اھڃاڻن کي ختم ڪري مٿان اينٽي بايوٽڪ دوائون کائي بيمارين جا رستا کولي ڇڏيا آھن. اچو تہ ماضي جي ھاڪاري روايتن کي ورجائي وٽامن ايڇ جو قدرتي طرح پوراء ڪريون.

وڌيڪ پڙهو

Include these foods for thyroid symptoms management. ھنن کاڌن کي ورقي غدود جي نشانين جي انتظام ۾ شامل ڪريو.

Include these foods for thyroid symptoms management.

ھنن کاڌن کي ورقي غدود جي نشانين جي انتظام ۾ شامل ڪريو

وڌيڪ پڙهو

Witches wind ڏائڻيون ھوائون | علي مردان راھوجو

 ڏائڻيون هوائون   Witches winds

علي مردان راھوجو

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

منھنجو هڪ پوليس آفيسر دوست منهنجي آبائي ضلعي خيرپور ۾ ٻہ سال پوسٽنگ تي رهيو. هڪ ڀيرو ملاقات دوران ٻڌايائين تہ هونء تہ خيرپور ضلعو امن امان جي معاملي ۾ بدنام آهي پر گرمين جي مهينن خاص طور تي جڏهن جهولو لڳندو آهي تہ جهيڙا ، فساد، چوريون ، اغوائون وڌي وينديون آهن.. مان چيومانس تہ ظاهر آ جيڪڏهن زمين تپندي مزاج تہ گرم ٿيندو نہ..

پر مان گهڻن ملڪ ۾ وڃي ڪري ۽ اتان جي موسمن ۽ مزاجن   جو مشاهدو ۽ مطالعو ڪري ڏٺو تہ اتي بہ سال جي ڪجه مھينن ۾ اهڙي هوا گهلندي آهي جو ماڻهو زندگي مان بيزار ٿي يا خودڪشيون ڪندا آهن يا تمام گهڻو جذباتي aggressive ٿي پاڙي اوڙي جو سڪون ڦٽائي ڇڏيندا آهي. اهڙين موسمي تبديلين کي عالمي اصطلاح ۾ ڏائڻيون هوائون witches winds چوندا آهن.  

اهڙي هوا سئزرلينڊ جي الپ Alps جبلن مان جرمني ۽ سئزرليڊ جي ميداني علائقن ڏانهن  بهار جي آمد دوران گهلندي آهي ۽ انهن ڏينهن ۾ اتي جهيڙا ، فساد، خودڪشيون، ٽرئفڪ حادثا معمول کان وڌي ويندا آهن. ان هوا کي Foehen Blows چوندا آهن ۽ جيڪي ماڻهون ان مان متاثر ٿيندا آهن انهن کي Foehen patient چوندا آهن.

اهڙي ڏائڻ هوا فرانس ۾ سخت سياري ۾ گهلندي آهي جنھن کي Mistral Wind چوندا آهن. آمريڪا ۽ ڪئناڊا ۾ بہ اهڙي هوا بهار جي شروعات ۾ گهلندي آھي جنھن کي Chinook چوندا آهي. اٽلي ۾ اهڙي هوا کي Sirocco ۽ وچ اڀر ۾ اهڙي هوا کي Sharav چوندا آهن.

اھڙن هوائن گهلڻ سان ماڻهن جا موڊ ۽ مزاج بلڪل تبديل ٿي ويندا آهن ۽  هرڪو پيو جهيڙو جهيڙو ڪندو آهي..

https://mydiaryasgharsagar.blogspot.com/2018/12/witches-wind.html

وڌيڪ پڙهو

Milk tea - a remedy for Glaucoma. کير واري چانھن ڪاري موتيي جو علاج | اصغر ساگر

Milk tea - a remedy for Glaucoma.

کير واري چانھن ڪاري موتيي جو علاج

اصغر ساگر

-------------

چانھن جسم تي بھترين اثر مرتب ڪري ٿي جيڪڏھن روز ماڻھو ٻن ڪوپن کان وڌيڪ نہ پيئجي ۽ چانھن ڪڙڪ نہ ھجي ڇوجو ڪڙڪ چانھن فائدي بجاء بيمارين جي ور چاڙھي سگهي ٿي ايتري قدر جو شڳر بيماري ڏيئي سگهي ٿي ۽ اولاد وارن جزن کي ختم ڪري سگهي ٿي. نيراني خالي چانھن نہ پيئجي نڪي بسڪيٽن يا ڊبل روٽي سان استعمال ڪجي ڇوجو پيٽ ۾ ڪيڙا ٿي سگهن ٿا ۽ اڳتي ھلي معدي جا مسئلا پيدا ٿيندا. صبح جو بھترين طريقو آھي تہ چانھن ماني سان کائجي يا ماني کان پوء چانھن پيئجي ائين جسم کي ٻل رھندو ۽ چستي ڦڙتي رھندي. ڪوشش ڪري ھوٽلن جي چانھن کان پرھيز ڪجي ڇوجو اھي ملاوٽدار پتي استعمال ڪن ٿا ۽ ھنڍي سڄو ڏينھن ٻڙڪندي رھي ٿي نتيجي طور ان مان نڪرندڙ زھريلا مادا ۽ زھريلا ڌاتو بيمار ڪري سگهن ٿا.

آمريڪا جي طبي ماھرن جي تحقيق مطابق روزانو گرم چانھن پيئڻ سان ڪاري موتيي جي مرض ٿيڻ جا امڪان گهٽجي وڃن ٿا. آمريڪا جي يونيورسٽي آف ڪيليفورنيا جي تحقيق ۾ ھي ڳالھ سامهون آئي آھي تہ جيڪي روزانو گرم چانھن پيئن ٿا اھي ٻين ماڻھن جي مقابلي ۾ اکين جي وڏن مرضن جيئن انڌائپ ۽ ڪاري موتيي جي مرض ۾ مبتلا تمام گهٽ ٿين ٿا. تحقيق ۾ چانھن پيئندڙ ماڻھن کي شامل ڪيو ويو. ماھرن مطابق اھڙن ماڻھن ۾ ڪاري موتيي جا امڪان 74 سيڪڙو گهٽ نظر آيا. پروفيسر ڪولمين مطابق ڪارو موتيو خطرناڪ مرض آھي جنھن جو ھن مھل تائين ڪوبہ علاج دريافت ناھي ٿي سگهيو پر گرم چانھن جي پيئڻ جا فائدا ڏسي خود ٽيم دنگ ٿي وئي.

چانھن ٺاھڻ جو طريقو :-

کير ۾ پاڻي ملائي گرم ڪجي. ان ۾ پوري پتي وجهجي. جڏھن چار کن ٻڙڪا اچن تہ کنڊ ملائجي. گهمائي چانھن کي جلد لاھجي. ھي چانھن ذائقي ۾ بھترين ٿئي ٿي. ھڪ وقت چانهن جي پتي ۔ کير ۽ کنڊ ملائي چانھن ٺاھڻ سان بي مزو ٿي وڃي ٿي ۽ صحت کي نقصان ڏئي ٿي.

وڌيڪ پڙهو

Time at which body is weakest. وقت جنھن تي جسم ڪمزور کان ڪمزور ٿئي ٿو.

Time at which body is weakest.

وقت جنھن تي جسم ڪمزور کان ڪمزور ٿئي ٿو.

وڌيڪ پڙهو

Botox بوٺوک | اصغر ساگر

 Botox     بوٺوک ۔ بوٺ زھر

اصغر ساگر

۔۔۔۔۔۔۔۔۔۔۔۔۔۔۔۔۔۔۔۔۔

بوٺ زھر Botulinum toxin جنھن کي بوٺوک Botox بہ چيو وڃي ٿو. اھو دنيا جو مشھور ترين ۽ سڀ کان خطرناڪ زھر آھي جيڪو Clostridium botulinum  بوٺول بيڪٽيريا مان پاتو وڃي ٿو. ان جا اٺ حصا ڪري يعني اي کان ايڇ تائين تقسيم ڪيو وڃي ٿو. بوٺوک Botox کي ميڊيڪل ۾ مشڪن جي حالتن muscular condition ۔ گهنجن wrinkles کي ختم ڪرڻ ۽ فالجي مشڪن paralyzing muscles لاء استعمال ڪيو وڃي ٿو. انهي کي عصبي زھر Neurotoxin مان ٺاھيو وڃي ٿو جنھن کي بوٺ زھر Botulinum toxin سڏجي ٿو جنھن کي ھڪ بوٺول بيڪيٽيريا  Bacterium Clostridium botulinum مان جوڙيو وڃي ٿو. پھرين ڪجھ حصن مان دوائون ٺاھيون وڃن ٿيون پر سڀ کان خطرناڪ حصو ايڇ آھي.

جيڪڏھن بوٺوک Botox رت ۾ شامل ٿي وڃي يا ساھ ذريعي ڦڦڙن ۾ شامل ٿي وڃي تہ موت يقيني ٿي وڃي ٿي. بوٺوک Botox عصبي زھرن Neurotoxin  جي سگنلن کي روڪي ٿو جنھن جي ڪري عضوا ڪم ڪرڻ ڇڏي ڏين ٿا. ڪاسميٽڪ ۾ بوٺوک Botox جو تحليلي بنيادن تي تمام گهٽ کان گهٽ مقدار انجيڪشن ذريعي لڳايو وڃي ٿو جنھن سان چھري جا گهنج ختم ٿي وڃن ٿا پر ھي ايتري مقدار گهٽ ھوندو آھي جو ان عضوي تائين محدود ھوندو آھي ۽ سڄي جسم ۾ نٿو پکڙجي، ان ڪري بوٺوک Botox کي ڪاسميٽڪس ۾ استعمال ڪرڻ جي اجازت آھي.

 بوٺ زھر Botulinum toxin ايڇ جو محض 4 گرام 40 لک انسانن کي فنا ڪرڻ لاء ڪافي آھي. جيڪي چون ٿا تہ 4 گرام بوٺوک Botox سان سڄي دنيا جا انسان مري سگهن ٿا اھي مغالطي ۾ آھن. جيڪڏھن بوٺوک جي ھڪ گرام جا 1000حصا ڪيا وڃن تہ ھر ھڪ حصو ملي گرام سڏرائيندو ۔ جيڪڏھن ھڪ ملي گرام جا 1000 حصا ڪيا وڃن تہ ھر ھڪ حصو نينو گرام سڏرائيندو. 2 نينو گرام ھڪ ماڻهو کي مارڻ لاء ڪافي آھن.

بوٺوک Botox سڌو سنئون اعصاب تي اثر ڪري ٿو ۽ اعصاب ۾ داخل ٿي اھم پروٽينن کي تباھ ڪري ٿو جنھن جي ڪري عصبن Neurons ۽ اوڄن Tissues ۾ رابطو ڪٽجي وڃي ٿو ۽ انسان موت جو شڪار ٿي وڃي ٿو. ان ڪري بوٺوک Botox جو پاڻي ۾ اربون حصو ڪري ھڪ حصي کي استعمال ڪيو وڃي ٿو. بوٺوک Botox ست قسمن جي خوبين تي ٻڌل ٿئي ٿو ۽ ان جي استعمال جا مقصد بہ الڳ آھن. ھي ايترو خطرناڪ آھي جو صرف عسڪري ادارن ۾ تيار ڪيو وڃي ٿو ۽ ھن جي ھڪ ڪلوگرام جي قيمت ھڪ ھزار کرب پائونڊ آھي.ان ھوندي بہ بوٺوک Botox جي گهرج ۾ کوٽ ناھي آئي ۽ ماڻهو اڄ بہ چھري تي سئي لڳرائڻ لاء وڏي رقم ڏيڻ کان مڙن نٿا.

بوٺوڪ انجيڪشن :-

بوٺوک اعصابي نظام تي اثرانداز ٿئي ٿو ۽ پٺاڙن تائين اعصاب کان اچڻ وارا پيغام نٿا پھچن جنھن جي ڪري چھري جا پٺا پرسڪون ٿي وڃن ٿا ۽ آھستي آھستي انهن جي فعاليت وڌي وڃي ٿي. بوٺوڪ جو اثر ٻن يا ستن ڏينھن ۾ نظر اچڻ لڳي ٿو. متاثر جڳھ ھموار ٿيڻ لڳي ٿي ۽ گهنج آھستي آھستي ختم ٿيڻ لڳن ٿا. دوائن جي مقابلي ۾ بوٺوڪ انجڪشن زيادھ اثردار ۽ ڪامياب آھي.

ھي انجيڪشن چھري جي گهنجن کي دور ڪري خوبصورتي بخشي ٿي. ھن جي استعمال سان چھري تي نظر ايندڙ وڏي عمر وارا اثر ختم ٿي وڃن ٿا ۽ توھان دلڪش ۽ حسين نظر اچڻ لڳو ٿا. بوٺوک کي گهڻي قدر مٿي تي پيل لڪيرن ۽ اکين جي چوڌاري لڪيرن کي ختم ڪرڻ لاء استعمال ڪيو وڃي ٿو. ھن کي ڀرن جي وچ ۾ پيل گهنجن کي دور ڪرڻ لاء پڻ استعمال ڪيو وڃي ٿو. سج جي روشني يا ڪشش ثقل جي ڪري پوندڙ گهنج بوٺوک جي استعمال سان ختم نٿا ٿين پر چپن ويجهو پوندڙ لڪيرن کي ۽ چيلھ جي گهنجن کي ختم ڪرڻ لاء بوٺوک مفيد آھي.

بوٺوک لڳرائڻ جو عمل سادو آھي ھن کي لڳرائڻ لاء متاثر جڳھ کي سن ڪرائڻ جي ضرورت نٿي پوي ھڪ انتھائي باريڪ ٽڪي ذريعي بوٺوک کي پٺن ۾ لڳايو وڃي ٿو جتي گهنج ٿين ٿا ۽ لڳرائڻ کان پوء تڪليف بہ برداشت جھڙي ٿئي ٿي ۽ 7 ڏينھن ۾ اثر ظاھر ٿي وڃي ٿو.

ھن جي استعمال کان پھرين ڪھڙين ڳالهين جو خيال ڪرڻ کپي :-

جيڪڏھن ڪو ماڻھو اسپرين يا آئبوپروفين کائيندڙ ھجي تہ ان ڳالھ جو امڪان آھي تہ انجڪشن واري جڳھ تي زخم يا رڳڙ جو نشان پيدا ٿي وڃي ٿو ۽ اتان رت وھڻ لڳي ٿو ڇوجو ھي دوا خون کي پٽڙو ڪري ٿي ۽ وھڪ ۾ تيزي پيدا ڪري ٿي. ان ڪري رت جي وھڻ جا امڪان رھن ٿا. جيڪڏھن ڪو ماڻھو بوٺوک جي انجيڪشن لڳرائڻ چاھي ٿو ان کي کپي تہ 2 ھفتا پھرين انهن دوائن جو استعمال روڪي ڇڏي.

جيڪڏھن ڪو ماڻھو مڇي جي تيل جا ڪيپسول يا وٽامن اي کائي رھيو آھي تہ ان کي کپي تہ پھرين پنھنجي معالج سان مشورو ضرور ڪري.

ھن انجيڪشن کي لڳرائڻ کان پھرين گهٽ ۾ گهٽ ھفتو اڳ نشي وارين شين ۽ نشي وارين شين کان پري رھڻ کپي. پيٽ وارين عورتن ۽ کير پيئاريندڙ مائرن کي انجيڪشن لڳرائڻ کان پرھيز ڪرڻ کپي.

بوٺوک کي لڳرائڻ کان پھرين چمڙي جي ماھر کان مشورو وٺجي.

بوٺوڪ انجيڪشن لڳڻ کان پوء جو اثر :-

ھن انجيڪشن جو اثر 4 کان 6 مھينا اثر ھلي ٿو. ھن انجيڪشن کان پوء وقت سان گڏ پٺن ۾ وري ڇڪ پيدا ٿئي ٿي ۽ گهنج وري ظاھر ٿي سگهن ٿا. ھي گهنج پھرين کان گهٽ ٿي وڃن ٿا. بوٺوک جو اثر ھر ماڻھو جي چمڙي مطابق ٿئي ٿو ڇوجو ھر ماڻھو جي چمڙي مختلف ٿئي ٿي ان ڪري ھر ماڻھو وٽ الڳ نموني اثر ٿئي ٿو ۽ ٻيھر بوٺوک انجيڪشن لڳرائڻ جو فيصلو ماڻھو تي ٿئي ٿو. انجيڪشن لڳڻ کان پوء پٺن جو مفلوج ٿيڻ ۔ چھري جو فالج ۔ مٿي جو سور ۔ ڳيھڻ جي تڪليف ۔ حساسيت ۔ اکين جي ڳاڙھاڻ ۔ ماڻڪين جو ڍرڪي پوڻ ۔ اکين جي خشڪي جھڙا عارضا ڪر کڻي سگهن ٿا ان سان گڏ انجيڪشن لڳڻ کان پوء جڳھ تي ڳاڙھاڻ ۔ زخم جو ٺھڻ ۔ زخم مان رت وھڻ ۔ سوزش ۽ درد جھڙا عارضا پيدا ٿي سگهن ٿا.

ھلندڙ

بوٺوک                                                       Botox

بوٺ زھر                                 Botulinum toxin

Clostridium botulinum        بوٺول بيڪٽيريا 

مشڪن جون حالتون           Muscular condition

گهنجن                                               Wrinkles

فالجي مشڪون                  Paralyzing muscles

Bacterium Clostridium botulinum

بوٺول بيڪيٽيريا

Neurotoxin                          عصبي زھر

عص                                           Neurons

اوڄن                                             Tissues

https://mydiaryasgharsagar.blogspot.com/2018/11/botox-by-asghar-saghar.html?m=1

وڌيڪ پڙهو

ورقي غدود Thyroid Gland | اصغر ساگر

ورقي غدود         Thyroid Gland

اصغر ساگر

۔۔۔۔۔۔۔۔۔۔۔۔۔۔۔۔۔

اسان جي جسم ۾ مختلف غدود ٿين ٿا جيڪي اسان جي صحت ۾ اھم ڪردار ادا ڪن ٿا. ھڪ غدود اسان جي ڳلي ۾ ٿئي ٿو جنھن کي ورقي غدود Thyroid Gland چيو وڃي ٿو. ٻين غدودن وانگر مخصوص قسم جو ھارمون تيار ڪري ٿو جنھن جو بنيادي ڪم غذائن مان حاصل ٿيندڙ جسماني توانائي کي مخصوص حد تائين اندر رکي ٿو. ٻين لفظن ۾ ورقي غدود پنھنجي ھارمون جي پيداوار ذريعي گهرڙ بدلائيت Metabolism کي جسم جو حصو بنائڻ جي عمل کي ضابطي ۾ رکي ٿو.

ورقي غدود Thyroid gland  ڀنڀوري وانگر ھڪ ننڍو غدود ٿئي ٿو جيڪو ڳلي جي اڳئين حصي ۾ ڪنٺ وانگر ھيٺ پاتو وڃي ٿو. ٻن حصن تي مشتمل ھي غدود ھوا جي نالي جي چوپاسي پاتو وڃي ٿو. غدود جو وزن ھڪ اونس کان گهٽ ٿئي ٿو. ھي ورقي غدود جسم جي ورقي سرشتي Endocrine system جو حصو آھي جيڪو مختلف عضون ۽ بافتن تي مشتمل ٿئي ٿو جن جو ڪم ھارمون يا ڪيميائي مرڪب تيار ڪرڻ ۔ جمع ڪرڻ ۽ انهن کي سڌو سنئون رت ۾ منتقل ڪرڻ آھي.

ورقي غدود ننڍن ننڍن ڳوڙھن وانگر غدودن تي مشتمل ٿئي ٿو جيڪو گهاٽي رس سان ڀريل ھوندو آھي جن ۾ ورقي ھارمون ٿين ٿا انهن ھارمونن ۾ وافر مقدار ۾ آيوڊين Iodine  ٿئي ٿو. ائين سمجهجي تہ اسان جي جسم ۾ آيوڊين جي 80 سيڪڙو مقدار ورقي غدود ۾ پاتي وڃي ٿي. غذا ۾ آيوڊين جي کوٽ ورقي غدود جي وڌڻ يعني ڳوڙھن جو سبب بنجي ٿي. ٻارن ۾ آيوڊين جي کوٽ ھارمون جي ڪارڪردگي متاثر ڪري ٿي. ان کي آيوک يا آيوڊين جي کوٽ (عدم نمو) Cretinism جي بيماري ٿي وڃي ٿي جنھن ڪري جسماني ۔ ذھني ۽ جنسي نظام پوري طرح نشونما نٿو پائي.

جھڙي طرح ايڪسيلريٽر انجڻ جي رفتار کي قابو ۾ رکي ٿو اھڙي طرح ورقي ھارمون انساني بدن ۾ گهرڙ بدل ڪيميائي رد عمل Metabolic chemical reaction جي شرح برقرار رکن ٿا. ھي ھڪ ڪيميائي رد عمل آھي جنھن جي ذريعي غذا نہ صرف توانائي پر نون اوڄن (بافتن) Tissues ۾ تبديل ٿي وڃي ٿي. ورقي ھارمون بافتن جي تعمير ڪندي ۔ پراڻن بافتن جي تعمير ڪندي ۔ دل جي ڌڙڪن تي اثرانداز ٿيندي ۔ ڏورن ۾ توانائي ۽ جسم ۾ گرمي جي پيداوار کي برقرار رکن ٿا.

 ورقي غدود اسان جي جسم ۾ ٻيا بہ اھم ڪم سرانجام ڏئي ٿو مثال طور ھي جيري کي خون جي رطوبت مان چرٻاڻ Triglyceride  جي وافر مقدار ۽ چرٻ پت (شحمي لحميہ) يعني لپروٽين LDL جنھن کي خراب پروٽين سڏيو وڃي ٿو ان کي خارج ڪرڻ ۾ مدد ڪن ٿا.

پت Cholesterol  پھرين صفرا ۾ منتقل ٿئي ٿي ۽ ان کان پوء پائخاني ۾ شامل ٿي وڃي ٿي ان ڪري ورقي ھارمون جي تمام گهٽ مقدار چرٻ پت (خراب پت) LDL جي اضافي ۽ ٺوس پت (سٺي پت) HDL جي ڪمي جو سبب بنجي ٿي.

ورقي ھارمون غذائي نالي ۾ ھضم ٿيندڙ رسن جي نيڪال کي تيز ڪرڻ ۽ عضلاتي (دلي) ريشن ۾ ٿيندڙ پاڻ پڻ حرڪت (حرڪت دودي) يعني غير ارادي حرڪتن کي وڌائن ٿا. ان ڪري ورقي ھارمونن جي گهڻائي آنڊن کي مسلسل حرڪت ڏيڻ جي ڪري دست لڳڻ ۽ ان جي کوٽ قبض جو سبب بنجي ٿي.

ورقي غدود کي قابو ۾ رکڻ جو عمل دماغ جي پوئين حصي

مغزي مرڪزي يا تنتي مرڪزي Hypothalamus کان شروع ٿئي ٿو. جڏھن مغزي مرڪزي کي خبر پوي ٿي تہ رت ۾ ورقي ھارمون جي ضرورت آھي تہ ھي دماغ جي کار (اساس) ۽ مٿئين حصي ۾ واقع جهاڳ غدود Pituitary gland کي پيغام ڏئي ٿو نتيجي ۾ اھو ڪيترائي ھارمون جوڙي ٿو جيڪي جسم ۾ سفر ڪن ٿا ۽ يقيني مرحلن کي اڳڀرو ڪن ٿا يا ٻين غدودن کي ٻيا ھارمون ٺاھڻ لاء اڀار ڏين ٿا.

ورقي ھارمونن جي ڪارڪردگي :- 

ورقي ھارمونن کي T3، T3 (ريورس T3) ۽ T4 جو نالو ڏنو ويو آھي. T3 ۽ RT3 ٻئي ھارمون T4 ھارمون مان حاصل ڪيا وڃن ٿا. ھارمونن جي ھي منتقلي بنيادي طور تي ورقي غدود کان ٻاھر جسم جي بافتن Tissues ۾ واقع ٿئي ٿي. ان لاء جڏھن اسان جي جسم کي ورقي ھارمونن جي وڌيڪ ضرورت پوي ٿي تہ ورقي ھارمون رت ۾ T4 ھارمون خارج ڪري ٿو. اھڙي طرح T4 ۽ ان مان بنجندڙ ٻيا ھارمون جسم جي مختلف گهرڙن تائين پھچي وڃن ٿا.

ورقي غدود جو وڌ يا گهٽ ٿيڻ :-

ورقي غدود ڪڏھن ڪڏھن وڌيڪ فعال ٿي وڃن ٿا ۽ وڌيڪ مقدار ۾ ھارمون تيار ڪرڻ لڳن ٿا ان صورتحال کي ورقي چاڙھپڻو Hyperthyroidism چيو وڃي ٿو. ان جي ابتڙ جيڪڏھن ورقي غدود گهٽ ھارمون خارج ڪري ان ڪيفيت کي ورقي لاٿپڻو Hypothyroidism چئبو آھي. پھرين ڪيفيت ۾ 2 سيڪڙو مرد ۽ عورتون مبتلا ٿين ٿيون ۽ آخري ڪيفيت ۾ 2 سيڪڙو عورتون ۽ مرد مبتلا ٿين ٿا. ھارمونن جي وڌيڪ پيدا ٿيڻ يا ھارمونن جي گهٽ پيدا ٿيڻ جي ڪري ورقي غدود ٻن بيمارين جو شڪار ٿئي ٿو.

(1) ورقي چاڙھ                         Hyperthyroid

(2) ورقي لاٿ                            Hypothyroid

(1) ورقي چاڙھ                         Hyperthyroid

جيڪڏھن ورقي ھارمون پاڻ پڻ سرشتي تحت وڌيڪ ھارمون ٺاھي ان بيماري کي ورقي چاڙھ Hyperthyroid چئبو آھي. ورقي چاڙھ Hyperthyroid کان 50 ماڻھن مان ھڪ متاثر ٿئي ٿو ۽ ھي خرابي عمر جي ڪنھن بہ حصي ۾ ٿي سگهي ٿي. ورقي غدود جي وڌيڪ فعال ٿيڻ سان ڪيئي سبب ٿي سگهن ٿا. دراصل سببن کي جاچڻ لاء رت جي جاچ ۽ اسڪيننگ جي ضرورت پوي ٿي. ھن بيماري جي اصلي وجھ ھي آھي تہ ورقي غدود خود پنھنجو ٽشو کي ڪو ٻاھريون حملي آور وائرس يا بيڪيٽيريا سمجهي ان تي حملو ڪري ٿو. ماھر ھن مھل تائين اھو سمجهي نہ سگهيا آھن تہ اسان جو جسماني نظام اھڙي قسم جي غلطي ڇو ٿو ڪري. دفاعي نظام جي ھن غلطي جي ڪري ڪيتريون بيماريون لاحق ٿي وڃن ٿيون جن کي اسان پاڻ پڻ بيماري Autoimmune disease چئون ٿا. ان بيمارين جي ڪري ورقي غدود وڌيڪ متحرڪ ٿي وڃي ٿو ۽ ھارمون جي پيداوار حد کان وڌي وڃي ٿي. جيڪڏھن ورقي غدود سان ڳڙ يا ڳوڙھو ھجي تہ اھڙي صورت ۾ ورقي غدود وڌيڪ ھارمون ٺاھڻ شروع ڪري ٿو. ڪڏھن ڪڏھن دوائن کائڻ سان ھي شڪايت ٿي وڃي ٿي.

ورقي چاڙھ جون نشانيون :-

جسماني وزن جو گهٽ ٿيڻ.

دل جي ڌڙڪن جو تيز ٿيڻ.

جسم ۾ ٿرٿراھٽ يا ڏڪڻي.

گهڻو پگهر اچڻ.

گرمي ناقابل برداشت ھجڻ.

بي چيني فڪر تشويش ۾ مبتلا ٿيڻ.

ڏورن جو ڪمزور ٿيڻ.

ڳلي ۾ ڳڙ ٿيڻ.

ڪپڙن ۾ بي قائدگي.

(2) ورقي لاٿ                            Hypothyroid

جيڪڏھن ورقي ھارمون پاڻ پڻ سرشتي تحت گهٽ ھارمون ٺاھي ان بيماري کي ورقي لاٿ Hypothyroid چئبو آھي. 

جيستائين ورقي لاٿ Hypothyroid جو تعلق آھي ھي خرابي مردن جي مقابلي ۾ عورتن ۾ وڌيڪ ٿئي ٿي ۽ ھي بيماري 40 سالن جي عمر کان پوء ڏٺي وئي آھي. ھن جي ڪري رت ۾ پت Cholesterol جي سطح وڌي وڃي ٿي جنھن جي ڪري دل جي بيماري جو خطرو وڌي وڃي ٿو. جيئن عمر ۾ اضافو ٿئي ٿو ھن بيماري جا اھڃاڻ ڪر کڻن ٿا. ضرورت کان وڌيڪ ورقي ھارمون جي پيداوار خاص ڪري انهن عورتن ۾ ٿئي ٿي جيڪي سن ياس جي مرحلي ۾ داخل ٿي وڃن ٿيون. جسم کي بيمارين کان بچائڻ وارو قدرتي مدافعتي نظام ڪمزور ھجي يا ان جي ڪري جسم کي بيمارين کان بچائڻ وارو قدرتي مدافعتي نظام ڪمزور ھجي يا ان جي ڪري ورقي غدود جي قريب  يا ان کان پري جا عضوا متاثر ٿين تہ ورقي غدود مان تمام گهٽ ھارمون خارج ٿين ٿا. ورقي غدود جي غير فعال ٿيڻ جي ٻين سببن ۾ ضرورت کان وڌيڪ فعال ورقي غدود جي علاج ۾ بي اعتدالي ۽ جينياتي بيماريون مثال ڊائونس يا  ٽرنرز سنڊروم شامل آھن.

ورقي لاٿ جون نشانيون :-

ٿوري دير کان پوء ٿڪ محسوس ڪرڻ.

ننڊ اڏري وڃڻ.

ويسر ٿيڻ.

ڪنھن ڳالھ تي ذھن مرڪوز نہ ٿيڻ.

وارن ۔ چمڙي ۽ ننھن جو خشڪ ٿيڻ.

جسماني وزن ۾ اضافو.

دل ٻڏڻ.

افسوس ۾ رھڻ.

ماندگي ھجڻ.

قبض.

صنفي خواھش جي کوٽ.

ساھ کڻڻ ۾ ڏکيائي.

پيرن ۾ سوڄ ٿيڻ.

ڳلو ويھڻ.

ٿڌ برداشت ڪري نہ سگهڻ.

چھري ۽اکين تي سوڄ.

حيض وڌيڪ اچڻ.

ورقي غدود جي ٽيسٽ :-

غذا ۾ آيوڊين جي کوٽ - جسماني ۽ ذھني دٻاء موروثي نقص - وبائي مرض - جسم جي مدافعت کي سست ڪندڙ بيمارين - دوائن جي مضر اثر ۽ ڳلي جي ڳوڙھ تي ڌيان ڏيڻ کپي جيڪو ڪينسر جو روپ اختيار ڪري سگهي ٿو.

ماڻھو راء رکن ٿا ورقي غدود جي مرض جي تشخيص لاء ڪيتري دير بعد ٽيسٽ ڪرائڻ کپي پر ٻار جي جلد ٽيسٽ ڪرائڻ کپي ڇو جو ٻار جي ٽيسٽ اھميت رکي ٿي. جيڪڏھن طبي معائنو ظاھر ڪري ٿو تہ ورقي غدود جي ڪارڪردگي ناقص آھي تہ عام طور تي رت جي پاڻيٺي حصي يا سيرم ۾ پاتي ويندڙ پروٽين جي ٽيسٽ ڪئي وڃي ٿي جيڪا ورقي غدود تي حملو ڪري ٿي. پر جي ٽيسٽ مان پتو پوي ٿو تہ ورقي ھارمون جي افزائش وڌيڪ ٿي رھي آھي تہ ٿائيرائيڊ جي اسڪيننگ ڪرائي وڃي ٿي پر ھي ٽيسٽ پيٽ واري عورت ۽ کير پياريندڙ عورت ڪرائي نٿي سگهي. ورقي غدود ۾ ننڍڙن ننڍڙن ڳوڙھن جو موجودگي جي صورت ۾ ڳوڙھن جو مواد کڻي ان جي بائي اوپسي ٽيسٽ ڪرائي وڃي ٿي تہ جيئن معلوم ٿئي تہ ڳوڙھو خطرناڪ تہ  ناھي.

علاج :-

(1) نسخو :-

سرنھن وڻ جو ٻج     100 گرام

ماکي                  50 گرام

سرنھن جي ٻج کي ڪٽي پائوڊر ڪري ماکي ملائي رکجي.

چمچو صبح شام

2 مھينن تائين استعمال ڪجي.

ھي ورقي غدود جو بھترين نسخو آھي بقول حڪيم شھزاد ملڪ ھي نسخو ھن جو ڪيترائي دفعا آزمايل آھي. ڳلي تي ڳوڙھا ڇا بدن جا ڳوڙھا بہ لھي وڃن ٿا انهن مان ڪي اھڙا مريض ھئا جن کي ڊاڪٽرن آپريشن جو مشورو ڏنو پر ھن دوا انهن کي مڪمل فائدو ڏنو.

ھلندڙ

وڌيڪ پڙهو

ڪلهن جو سور Shoulder pain

ڪلهن جو سور    Shoulder pain

وڌيڪ پڙهو

Oldest Palace the Palace of Knossos. پراڻو محل نوسوس جو محل

Oldest Palace the Palace of Knossos.

پراڻو محل نوسوس جو محل

وڌيڪ پڙهو

Vitamin D وٽامن ڊي | اصغر ساگر

 ”وٽامن ڊي    Vitamin Dylan

اصغر ساگر

۔۔۔۔۔۔۔۔۔۔۔۔۔۔۔۔

اسان جو جسم 24 ڪلاڪ ڪم ڪندو رھي ٿو. گڏ گڏ اسان جي جسم ڪروڙين گهرڙا سرگرم رھن ٿا جن کي غذائيت سان ڀرپور خوراڪ جي ضرورت پوي ٿي وٽامن انهن گهرڙن جون خوراڪ پوريون ڪن ٿيون. وٽامن انهن گهرڙن کي توانائي مھيا ڪن ٿيون جن جي ڪري جسم جو فعل جاري رھي ٿو ۽ زندگي جو ڪاروھنوار ھلي ٿو. وٽامن ڪيميائي مرڪب ۽ اھم غذائي ضرورت آھن جيڪي گهرڙن جي ضرورت پوري ڪنديون رھن ٿيون. جيڪڏھن جسم ۾ وٽامنن جي کوٽ ٿي وڃي تہ انساني جسم بيمارين جي ور چڙھي سگهي ٿو. جسم ۾ جتي ھر وٽامن ڪم ڪري ٿي اتي وٽامن ڊي بہ پنھنجو ڪردار نڀائي ٿي. وٽامن ڊي جسم جي عضون ۔ پٺن ۔ ھڏين ۽ ڏندن کي مضبوط ڪري ٿي اتي دل ۔ بڪين ۔ ڦڦڙن ۔ تلي ۽ جيري کي مضبوطي ۽ تحفظ فراھم ڪري ٿي.

وٽامن ڊي ھڪ خاص قسم جي ڪيلٺو ھارمون calcitriol ۾ تبديل ٿي اسان جي جسم جي مدافعتي سرشتي کي متحرڪ ڪري ٿي. وٽامن ڊي اسان جي جسم ۾ وٽامن سي کي جذب ڪرڻ ۾ مدد ڪري ٿي. وٽامن ڊي جي غيرموجودگي ۾ وٽامن سي بغير جذب ٿيڻ جي جسم مان نڪري وڃي ٿي.

وٽامن ڊي اسان جي جسم ۾ ھارمون وانگر ڪم ڪري ٿو ۽ جسم جي ھر گهرڙي پنھنجي پھچ کي يقيني بنائي ٿي ۔ وارن ۔ اکين ۔ دل ۔ بڪين جيري ۽ ھڏيون ھي سڀ وٽامن ڊي گهرن ٿيون.

هي حياتين اسان جي هڏن جي بناوت لاءِ نھايت ضروري آهي. اها مڇي، کير، ڏهي ڪريم، پنير، مکڻ ۽ آنن ۾ ملي ٿي.

اها حياتين اسان جي کل کي اس جي بنفشي شعاعن Ultra violete Rays  جي عمل سان ٺاهي ٿي.

وٽامن ڊي ننڍڙي ٻار کان وٺي پوڙهي ماڻهو تائين هر عمر لاءِ ضروري آهن. وٽامن ڊي ٻارن ۾ هڏين جي نشونما ڪري ٿي. جديد تحقيق موجب وٽامن ڊي انساني هر حصي جي نشونما لاءِ ضروري آهي. هن جي وڌيڪ مقدار اسان کي ڪينسر جهڙي موذي مرض کان بچائي سگهي ٿي. وٽامن ڊي گھڻي ڄمار تائين هَڏَ مضبوط ۽ صحيح سلامت رکي ٿي. جيڪڏھن ماڻھو پاڻ کي مضبوط رکڻ چاھي تہ پنهنجي غذا ۾ ڪئلشم ۽ وٽامن ڊي جو گھربل مقدار حاصل ڪندو رھي. وٽامن ڊي جا وسيلا ھي آھن جن جي ذريعي وٽامن ڊي حاصل ڪري سگهجي ٿي.

اُسَ (سج جي روشني)

چرٻي يا تيل واري مڇي

وٽامن ڊي مليل کاڄرو شيون

وٽامن ڊي واريون غذائي دوائون

19 کان 70 سالن جي ڄمار جي فردن کي روزانو 600 انٽرنيشنل يونٽ (600 IU) وٽامن ڊي حاصل ڪرڻ کپن.

جسم ۾ ڪئلشيم جي سرشتي لاءِ وٽامن ڊي جو هئڻ بہ لازمي اهي. جيئن جيئن عمر وڌندي آهي، هڏين ۾ ڪئلشيم جو ذخيرو ٿيڻ جي ڪري انهن ۾ لچڪ گهٽجي ويندي اهي. انهيءَ ڪري پوڙهن جا هڏا آسانيءَ سان ٽٽي پوندا آهن. پوڙھائپ ۾ پوڙھن کي ڪئلشم جو استعمال ضروري ڪرڻ کپي.

طبي ماهرن جي تحقيقي رپورٽ ۾ ٿولھ جو شڪار ماڻهو وٽامن ڊي جي گهٽتائي جو شڪار ٿين ٿا. ماهرن مطابق جڏهن رت ۾ وٽامن ڊي جو مقدار مناسب هوندو آهي ته هارمونز "ليپي ٽن" پيدا ٿيندي آهي، جيڪو دماغ کي معدي جي خالي هجڻ يا ڀريل هجڻ بابت آگاهي ڏيندو آهي، ٿولھ جو شڪار ماڻهو ان هارمونز جي گهٽتائي سبب هر وقت کائڻ چاهيندا آهن جنھن جي ڪري هو وڌيڪ ٿلها ٿي ويندا آهن.

عورتن ۾ وٽامن ڊي جي ڪمي پوري ٿيڻ سان هڏين ۽ سنڌن ۾ سور ۾ واقعي گهٽتائي ٿي وڃي ٿي. عورت Memo pause غير رسمي وقفي ۾ معمولي مطابق زندگي گذاري سگهي ٿي ۽ هڏين ۽ سنڌن جي بيمارين کا بہ بچي سگهي ٿي. وٽامن ڊي جي ڪمي جو شڪار اڪثر ڪري اهي عورتون جيڪي شهرن اندر اونداهين گهٽين ۾ بند گهرن ۾ رهن ٿيون يا اهي ٻار جن کي بار بار انفيڪشن يا دستن جي بيماري ٿئي ٿي، گهٽ وزن وارا ٻار بہ وٽامن ڊي جي ڪمي جو شڪار رهن ٿا.وٽامن ڊي جي کوٽ جي ڪري بدھاضمو ۔ موسمي ذھني مونجھ ۔ ٿولھ ۔ مدافعتي ڪمزوري ۔ ڊيمينشيا ۔ خارش ۽ چمڙي جون بيماريون ٿين ٿيون جڏھن تہ شڳر ۔ دم ۽ ڪينسر جھڙا مرض لاحق ٿي سگهن ٿا. 

وٽامن ڊي جي کوٽ سان Parkinson’s Disease رعشو يا هٿ ڏڪڻ فالج جي بيماري بہ پيدا ٿيندي آهي. اها بيماري دماغ brain ۽  Nervous system تنتي نظام کي متاثر ڪري ٿي. وٽامن ڊي Nerve cells تنتي گهرڙن کي تباھ ٿيڻ کان بچائي ٿو. نئين تحقيق موجب وٽامن ڊي انساني قوت مدافعت Immune System کي هلائڻ ۾ مدد ڏئي ٿي. جسم ۾ وٽامن ڊي هجڻ جي ڪري ڪينسرن کان بچاء ٿئي ٿو نہ تہ غدودي ڪينسر ، ڇاتي جو ڪينسر ۽ آنيدانين  جو ڪينسر جنم وٺي ٿو.

يورپي ماڻھن جا وار ڪڪا ڪيئن ٿيا :-

توهان اڪثر اھا ڳالھ نوٽ ڪئي هوندي تہ مغربي ملڪن ۾ رهندڙ ماڻهن جا وار سنھري (ڪڪا)  هوندا آهن ان جي پويان هڪ تمام دلچسپ راز آهي. سائنسدانن جو چوڻ آهي تہ يورپي ملڪن ۾ سج جي روشني زمين جي ٻين حصن جي نسبت گهٽ پوندي آهي جنھن جي ڪري هتان جي رهندڙ ماڻهن ۾ وٽامن ڊي جي ڪمي ٿيندي وئي. ٽين جاپاني يونيورسٽين حال ۾ ئي ان ڳالھ تي تحقيقات ڪئي آهي ۽ ٻڌايو آهي ته سج جي روشني گهٽ ظاهر ٿيڻ جي ڪارڻ هتان جي رهڻ وارن ماڻهن ۾  يارنهن(11)  هزار سال پھريان وٽامن ڊي جي ڪمي پيدا ٿي وئي ۽ ان کان پو انهن مردن ۽ عورتن جي وارن جو رنگ سونھري(ڪڪا) کان اڇا ۽ مختلف رنگن ۾ تبديل ٿيڻ لڳا.

وٽامن ڊي جا اثر :۔

سج جي روشني :-

سج جي روشني ۾ وٽامن ڊي نٿي ٿئي. سج جي روشني جڏھن چمڙي تي پوي ٿي تہ اھا چرٻاڻ کي وٽامن ڊي ۾ تبديل ڪري ٿي. سج جون Ultraviolet B view length جون شعائون وٽامن ڊي ٺاھن ٿيون. ان جي ڏيک ڊيگھ 290 کان 320 نينو ميٽر تائين ھوندي آھي.

ھڏين جي نشونما ڪندڙ :-

ھي ھڏين ۽ ڏندن جي نشونما ڪري ٿي ۔ انهن کي مضبوط ڪري ٿي ۽ ھڏن کي ڇوت Infection کان بچائي ٿي.

ڪئلشم ۽ فاسفورس کي تحليل ڪندڙ :-

ھي جسم ۾ ڪيلشم ۽ فاسفورس کي تحليل ڪري ٿي ۽ کين ترڪيب ڏئي ٿي. وٽامن ڊي ان ڳالھ جو تعين ڪري ٿي تہ جسم  کي ڪيتري ڪيلشم ۽ وٽامن جي ضرورت آھي. اھي ٻئي عنصر ھڏين ۔ ڏندن ۽ پٺن جي صحت لاء ضروري آھن.

ھڏين جي ڪمزوري جو ھڪ سبب ڪيلشم سان گڏ وٽامن ڊي جي کوٽ ٿئي ٿي ان کان پوء جسم جي ٻين عضون جو وارو اچي ٿو.

انفيڪشن ختم ڪندڙ :-

وٽامن ڊي جو اھم ڪم مدافعتي نظام کي مضبوط ڪرڻ آھي ۽ انفيڪشن کي ختم ڪرڻ آھي. وٽامن ڊي جي کوٽ جي ڪري انفيڪشن جي ٺيڪ ٿيڻ ۾ وقت لڳي وڃي ٿو ۽ ساھ جي نالي جھڙا انفيڪشن جيئن نزلو ۔ زڪام ۽ نمونيا جھڙا عارضا جنم وٺن ٿا.

ڪنگي روڪيندڙ :-

ھي ٻارن جي ڪنگي (ھڏين جي ٽيڏي پن) Rickets کي روڪي ٿي. وٽامن ڊي جي گهٽتائي سان هڏا نرم ويندا آهن ۽ ڦڏا ٿي ويندا آهن. عضوا ڍلا ٿي ويندا آهن. قدبت جي واڌ بيھي ويندي آهي ۽ انجي ڪمي سان سوڪ جو مرض پيدا ٿئي ٿو. هن وٽامن جي گهٽتائي جي صورت ۾ ڪئلشم جو کاڌي مان رت ۾ جذب ٿيڻ ۽ هڏين ۾ پهچڻ اڻ مڪمل ٿي ويندو آهي ۽ ٻارن ۾ نرم ھڏ Rickets ۽ وڏن ۾ ڪچ ھڏ Osteomlacia جي شڪايت ٿي پوندي آهي، جنھن ۾ هڏيون نرم ٿي پونديون آهن ۔ وزن جي داٻ سان مڙي پونديون آهن ۽ معمولي داٻ يا وزن سان ڀڄي سگهن ٿيون.

ڪيلشم جذب ڪندڙ :-

ڪئلشم جذب ڪرڻ لاءِ ججهي مقدار ۾ وٽامن ڊي جو هجڻ ضروري ٿئي ٿو، جيڪڏهن وٽامن ڊي نہ هوندي تہ جسم بہ اها جذب ڪري نہ سگهندو، جنھن سبب وٽامن ڊيءَ جا واڌو وزن کائڻ بيڪار ثابت ٿيندا.

خاص خامرن Enzymes جي مدد سان ھاضمي جي نظام کي درست ڪندڙ :-

خون ۾ خاص خامري الڪلي فاس Alkaline phosphate کي مناسب مقدار ۾ قائم رکي ٿي ۽ ان جي مدد سان ھڏين ۔ سنڌن ۽ ڏندن ۾ ڪئلشم جي اضافي مقدار کي ڄمڻ کان روڪي ٿي.

تحقيق مطابق صحتمند ماڻھن کي وٽامن ڊي جي ضرورت نٿي پوي.

وٽامن ڊي جي کوٽ سبب پيدا ٿيندڙ بيماريون :-

بار بار بيمار ٿيڻ :-

وٽامن ڊي جسماني قوت مدافعت کي مضبوط ڪري ٿي جنھن جي ڪري اسان جو جسم بيڪيٽيريا ۽ وائرسن سان وڙھڻ جي صلاحيت رکي ٿو. بار بار انفيڪشن ٿيڻ ۔ نزلو ٿيڻ ۔ زڪام ٿيڻ ۔ جلدي فلو ٿيڻ اھي عارضا وٽامن ڊي کي ظاھر ڪن ٿا.

چڙچڙوپن :-

ڊپريشن ۽ چڙچڙي پن جو پاڻ ۾ تعلق آھي جنھن جي پويان ڪيئي جسماني ۽ نفسياتي اثر ٿين ٿا. وٽامن ڊي جي کوٽ جي ڪري ڊپريشن جنم وٺي ٿي. جن عورتن ۽ مردن ۾ ڊپريشن رھي ٿي اھي وٽامن ڊي استعمال ڪن.

شڳر 2 :-

وٽامن ڊيءَ جي کوٽ سبب ذيابيطس2 جي حالت بدتر تہ شيردان (pancreas)  جي انسولن پيدا ڪرڻ جي قابليت متاثر ٿي پوي ٿي.

چيلھ جو سور :-

وٽامن ڊي ھڏين جي صحت لاء ضروري آھي ڇوجو جسم کي ڪئلشم جذب ڪرڻ ۾ مدد ڪن ٿيون ۽ ڪرنگهي جي نظام کي مضبوط ڪن ٿيون. وٽامن ڊي جي کوٽ جي ڪري ھڏين جا مسئلا ۽ چيلھ جو سور جنم وٺي ٿو. ھڪ تحقيق مطابق وٽامن ڊي جي کوٽ جي ڪري 9 ھزار عورتن کي شديد چيلھ جي سور کي منھن ڏيڻو پوي ٿو.

ٿڪ ۔ پيڙ ۽ جسم ۾ سور :-

جيڪڏھن ڪو ماڻھو ننڊ پوري ڪري پوء بہ ان کي ٿڪ رھي ۔ جسم ۾ درد ۽ پيڙ ٿئي ائين محسوس ٿئي ڄڻ تہ ھڏ ٽٽن ٿا پيا ۔ اھي نشانيون وٽامن ڊي جون آھن. تحقيق مطابق مٿي جو سور ۽ ٿڪ وٽامن ڊي سان واسطو رکن ٿا. اھي عورتون جن ۾ ھروقت ٿڪ رھي اھو بہ وٽامن ڊي جي کوٽ ڏي اشارو ڪري ٿو.

مشڪن جو سور :-

وٽامن ڊي جي کوٽ جي ڪري مشڪن جي ڪمزوري ۽ درد سان ٻہ چار ٿيڻو پوي ٿو. وٽامن ڊي اعصابي گهرڙن جي صحت ۾ اھم ڪردار ادا ڪري ٿي جيڪي دماغ تائين سور جو احساس پھچائين ٿا. مشڪن جا سبب مشڪل ٿي سگهن ٿا. ھڪ تحقيق مطابق 71 سيڪڙو ماڻھن ۾ مشڪن جو سور وٽامن ڊي جي کوٽ جي ڪري ٿئي ٿو.

ھڏين جو سور :-

وٽامن ڊي جو وڏو ڪم ھڏين ۾ ڪيلشم کي جذب ڪرڻ ۾ مدد ڪرڻ آھي جنھن جي ڪري ھڏيون مضبوط ٿين ٿيون. وٽامن ڊي جي کوٽ جي ڪري ھڏين جي درد جي شڪايت عام ٿي وڃي ٿي خاص ڪري چيلھ سور وغيرھ، انهي حالت ۾ وٽامن ڊي تي ڌيان ڏجي.

شيروفيزينا :-

جسم ۾ وٽامن ڊيءَ جي اڻاٺ سبب شيزوفيرينا جي بيماري ٿي پوي ٿي.

زخم جو دير سان ڀرجڻ :-

سرجري يا ڌڪ جو زخم دير سان ڀرجي تہ اھو وٽامن ڊي جي کوٽ طرف اشارو آھي ڇوجو وٽامن ڊي جسم ۾ اھڙا مرڪب تيار ڪري ٿي جيڪي چمڙي جي مرمت ڪن ٿا. جيڪڏھن ڏندن جا زخم بہ دير سان ڀرجن تہ بھتر آھي تہ وٽامن ڊي جي ٽيسٽ ڪرائجي.

ھڏين جو ڀرڀرو ٿيڻ ۽ ٽٽڻ :-

ڪچ ھڏ يا ھڏين جو ڀرڀرو ٿيڻ مردن توڙي عورتن ۾ ان جي شڪايت رھي ٿي. پر اڪثيت ڪيلشم کي واپرائي ٿي جڏھن تہ وٽامن ڊي جي کوٽ بہ ٿي سگهي ٿي ڇوجو جسم ۾ موجود ڪيلشم ھڏين ۾ جذب ڪرڻ وٽامن ڊي جو ڪم آھي.

سورياس :-

سڄيءَ دنيا ۾ چنبل Psoriasis  جي علاج لاءِ وٽامن ڊي استعمال ڪئي وڃي ٿي.

وارن جو ٽٽڻ يا ڪرڻ :-

ڪڏھن ڪڏھن وارن ڪرندا آھن ۔ جسم ۾ ڪمزوري اچي ويندي آھي ۔ خشڪي اچي ويندي آھي اھي وٽامن ڊي جي کوٽ آھن.

پٺاڙن ۾ درد :-

جيڪڏھن پٺاڙن ۾ بار بار درد ٿئي اھا علامت وٽامن ڊي جي کوٽ کي ظاھر ڪري ٿي.

ذھني دٻاء :-

بار بار چڙ ۔ روئڻ لاء دل چوڻ ۔ ڳالھ ڪندي بر ٿيڻ اھي سڀ شيون ڊپريشن کي ظاھر ڪن ٿيون ۽ ڊپريشن وٽامن ڊي جي کوٽ جو سبب ٿي سگهي ٿي.بار بار چڙ ۔ روئڻ لاء دل چوڻ ۔ ڳالھ ڪندي بر ٿيڻ اھي سڀ شيون ڊپريشن کي ظاھر ڪن ٿيون ۽ ڊپريشن وٽامن ڊي جي کوٽ جو سبب ٿي سگهي ٿي.

Seasonal Affective Disorder        موسمي بي ترتيبي

سج جي روشنيءَ ۾ وائکي نہ ٿيڻ سبب ميلان Melatonin  هارمون بي توازن ٿي موسمي بي ترتيبي Seasonal Affective Disorder  بيماري پيدا ڪري ٿو.

 گهڻو پگهر اچڻ :-

جڏھن ماڻھو ڪو ڪم نہ ڪري رھيو ھجي ۽ پگهر تيزي سان خارج ٿئي ۽ پگهر جي موسم بہ نہ ھجي اھا وٽامن ڊي جي کوٽ آھي. جيڪڏھن چھري تي پگهر اڪثر چمڪي تہ ان کي وٽامن ڊي جي کوٽ سمجهجي.

مشڪن جي ڪمزوري :-

مشڪن جي ڪمزوري صرف فولاد جي کوٽ ناھي پر وٽامن ڊي جي کوٽ پڻ آھي. ھڪ تحقيق مطابق وٽامن ڊي مشڪن جي ضابطي وڌائڻ ۾ مدد ڏئي ٿي جنھن جي نتيجي ۾ پوڙھائپ ۾ فريڪچر جا امڪان نٿا رھن.

شدید درد

جيڪڏھن اڪثر ھڏين ۾ درد ھجي ۔ سنڌن ۽ مشڪن ۾ لڳاتار تڪليف ھجي ۽ اھا تڪليف ھفتن تائين جاري ھجي تہ وٽامن ڊي جي کوٽ طرف اشارو آھي. مناسب مقدار ۾ ورزش ڪرڻ سان دردن کان بچي سگهجي ٿو ۽ مشڪن ۾ لچڪ اچڻ ڪري مشڪون ٺيڪ ٿي وڃن ٿيون.

Fibromyalgia                                          ڏورن جو درد

وٽامن ڊي جي ڪُھني يا پراڻي اڻاٺ عام طور غلط تشخيص جو ڪارڻ بنجي، تہ ان کي فيبروميلايا Fibromyalgia  جي بيماري سمجهيو وڃي ٿو، جنهن جون ساڳيون نشانيون جهڙوڪ: مشڪن جي ڪمزوري، ڏکڻ ۽ سُور ٿئي ٿو.

رھڙ يا رڳڙ اچڻ :-

معمولي رھڙ يا رڳڙ کان نجات ۾ ڪافي ڏينھن لڳي وڃن تہ سمجهجي تہ وٽامن ڊي جي کوٽ آھي. وٽامن ڊي چمڙي جي جڙڻ لاء نوان مرڪب فراھم ڪري ٿي ۽ سوڄ ۽ ڇوت Infection سان جهيڙڻ ۾ مدد ڪري ٿي.

مردانا ڪمزوري :-

تحقيقن مطابق وٽامن ڊي جي کوٽ جي ڪري مردانا ڪمزوري جنم وٺي ٿي جنھن جي نتيجي ۾ Erectile dysfunction جو خطرو وڌي ٿو.

ومن ڊي جا فائدا :-

ھڏن ۔ تنتي سرشتي ۽ اعصابي سرشتي لاء :-

جيئن تہ جسم ۾ وٽامن ڊيءَ جي شديد کوٽ کي هڪ رات ۾ پورو ڪري نٿو سگهجي، ان ڪري اهڙيءَ کوٽ کي پوري ڪرڻ ۾ ڪيترا مھينا لڳي وڃن ٿا جنھن لاءِ وٽامن ڊي جا واڌو وزن کائڻا پون ٿا ۽ سج ۾ وائکو ٿيڻو پوي ٿو تہ جيئن جسم جا هڏا ۽ تنتي يا اعصابي سرشتو سگهارو ٿي سگهي.

اهڙين حالتن ۾ جسم لاءِ رڳو سج ۾ وائکي ٿيڻ سان ايتري گهڻي مقدار ۾ وٽامن ڊي پيدا ڪرڻ ناممڪن ٿئي ٿي، ڇوتہ جسم پنھنجي لحاظ کان رڳو پنھنجيءَ ضرورت آهر وٽامن ڊي پيدا ڪري سگهندو آھي.

سيني جي تاڪي لاء :-

جيڪڏهن سيني جي تاڪي Sternum  کي زور ڏيڻ سان سور محسوس ٿئي تہ ممڪن آهي تہ هن وقت توهان وٽامن ڊيءَ جي شديد اڻاٺ ۾ مبتلا هجو. جسم جي وٽامن ڊيءَ کي استعمال ڪرڻ کان اڳ بڪيون ۽ جيرو ان کي فعال ڪرڻ کپي ڇوجو جيڪڏهن بڪين جو روڳ يا جيري جي تڪليف هوندي تہ جسم جي وٽامن ڊيءَ جي فعال ٿيڻ جي لياقت گهڻي متاٿر ٿيندي، جنهن سبب اها جسم ۾ گردش ڪري نہ سگهندي.

دل جي شريانين کي صحتمند رکندڙ :-

وٽامن ڊي سپليمنٽ وڌيڪ مقدار استعمال ڪرڻ سان دل جون رڳون لچڪدار ۽ تندرست رهن ٿيون ۽ ان سان گڏوگڏ فالج ۽ دل جي دوري پوڻ جو بہ خطرو گهٽ رھي ٿو.

امريڪي رياست جاريجا جي شھر آگسٽا ۾ هن حوالي سان تحقيق ڪئي وئي جنھن ۾ اهو ثابت ٿيو تہ وٽامن ڊي دل لاء بھتر ثابت ٿي سگهي ٿي. ماهرن جو چوڻ آهي تہ وٽامن ڊي جي استعمال سان دل جو رڳن جي لچڪ وڌي ٿي ۽ رڳن ۾ سختي گهٽ ٿي وڃي ٿي. وٽامن ڊي سان رڳون نرم ۽ لچڪدار ٿينديون آهن  ۽ وٽامن ڊي هڏين لاء بھتري ۽ مضبوطي ۾ اهم ڪردار ادا ڪري ٿي.

ڪمزور ٻارن لاء مفيد :-

خوراڪ جي کوٽ جي شڪار ٻارن کي جيڪڏهن خوراڪ سان گڏوگڏ وٽامن ڊي مقدار ۾ کارائي وڃي تہ هو تيزي سان تندرست ٿي وڃن ٿا ۽ انهن ۾ زبان ڄاڻڻ ۽ جسماني حرڪتن وارو نظام (موٽر سسٽم) تيزي سان بهتر ٿي وڃي ٿو. خوراڪ جي سخت کوٽ يا سيويئراڪيوٽ ميل نيوٽريشن خوراڪ جي گهٽتائي جي هڪ اهڙي شڪل آهي جيڪا بلڪل واضح نموني نظر ايندي آهي، جنھن جي ڪري ٻارن جو قد ننڍڙو ٿيندو آهي، اهي تمام گهڻو ڪمزور هوندا آهن ۽ انهن جي جسمن تي گوشت جي گهٽتائي هوندي آهي.انکاسواءِ انهن جي منھن تي، پيرن ۽ ٻين عضون تي سوڄ نمايان نظر ايندي آھي. انهن ٻارن ۾ عام طور تي وٽامن ڊي جي کوٽ هوندي آهي، جيڪا هڏن ۽ پٺن جي لاءِ تمام گهڻو ضروري هوندي آهي ۽ جسم جي دفائي نظام کي مضبوط بڻائيندي آهي. جيڪڏهن خوراڪ جي گهٽتائي وارن ٻارن ۾ وٽامن ڊي پڻ گهٽ ٿي وڃي تہ ان سان پُٺا ڳرڻ لڳندا آهن.  انڪري ماهرن جو خيال آهي تہ خوراڪ جي کوٽ جي شڪار ٻارن کي مناسب خوراڪ سان گڏوگڏ وٽامن ڊي جو مناسب مقدار کارايو وڃي تہ ان جا فوري طور تي بھتر نتيجا نڪرندا.

ساھ جي تڪليفن کي ختم ڪندڙ :-

برطانيا ۾ ڪيل هڪ تحقيق کان پوءِ معلوم ٿيو آهي تہ وٽامن ڊي وارا کاڌا کائڻ يا وٽامن ڊي جون گوريون باقائدگي سان استعمال ڪرڻ تي ساھ کڻڻ واري تڪليف واري بيماري جا خطرا گهٽ ٿي ويندا آهن. ان تحقيق دوران ڪجھ سالن ۾ ساھ کڻڻ جي تڪليف ۾ ورتل بيمار ٻارن ۽ وڏن تي ڪيل تحقيق تي بيمارن جي کاڌن جي عادتن جي حوالي سان جاچ ڪئي وئي. تحقيق کانپوءِ اها ڳالھ گهٽ ۾ گهٽ يقيني ٿي وئي تہ اهي بالغ ماڻهو جن پنهنجي روزاني جي کاڌي ۾ وٽامن ڊي وارين خوراڪن کي شامل رکيو، انهن کي ساھ کڻڻ جي تڪليف واري خطرن جي دورن کان گهٽ واسطو پيو. ٻارن ۾ بہ ڪجھ اهڙي صورتحال ڏسڻ لاءِ ملي، پر ان تحقيق ۾ شامل ماهرن جو چوڻ آهي تہ اڃا هنن کي ٻارن ۾ ساھ کڻڻ جي تڪليف جي دورن ۽ وٽامن ڊي ۾ لاڳاپي کي ثابت ڪرڻ لاءِ وڌيڪ تحقيق جي ضرورت آهي.

ھڏين کي مضبوط ڪندڙ :-

وٽامن ڊي جي جسم ۾ کوٽ ٿيندي هڏين جي ڪمزور ٿيڻ جو عمل شروع ٿي ويندو آهي. ھڏين جي بيماري ۾ مبتلا مريضن کي بيماري جي تصديق کانپوءِ وٽامن ڊي حاصل ڪرڻ لاءِ مڇي، آني جي زردي، تازيون ڀاڄيون واپرائڻ کپي. سردين جي موسم شروع ٿيندي ئي کير، ڏهي، ڊراءِ فروٽ ۽ سبزيون واپرائي وٽامن ڊي حاصل ڪرڻ سان ھڏين جي ڪمزوري کان محفوظ رهي سگهجي ٿو.

شڳر کان بچائيندڙ :-

هڪ تحقيق موجب وٽامن ڊي جي سطح جسم ۾ بھتر هئڻ سان جگر بھتر نموني انسولين پيدا ڪندو آهي، تنھن ڪري پنھنجي جسم ۾ وٽامن ڊي جي گهرج ڄاڻڻ لاءِ مختلف ٽيسٽ ڪرائيندا رهجي.

ڇاتي جو ڪينسر ختم ڪندڙ :-

وٽامن ڊي ڇاتيءَ جو ڪينسر گهٽائڻ ۾ مدد فراهم ڪري ٿو. وٽامن ڊي هَڏن جي مضبوطيءَ لاءِ ضروري آهي جيڪو ڪراڙپ ۾ بہ ڪمزوري سبب پيدا ٿيندڙ ڪيترين ئي بيمارين کان حفاظت فراهم ڪندو آهي پر ماهرن جو چوڻ آهي تہ وٽامن ڊي عورتن ۾ ڇاتيءَ جي ڪينسر کي بہ گهٽائي ٿو. آمريڪي طبي ماهرن جي تازي ڪيل تحقيق موجب ڇاتيءَ جي ڪينسر ۾ مبتلا عورتون وٽامن ڊي جي استعمال سان نہ رڳو موت جو شڪار ٿيڻ کان بچي سگهن ٿيون پر انهن ۾ ڪينسر وڌڻ جو خطرو بہ گهٽجي ويندو آهي. ان حوالي سان آمريڪي طبي تحقيقي اداري جي ڊاڪٽر لارنس جو چوڻ تہ ڇاتيءَ جي ڪينسر جو شڪار عورتون، جيڪي وٽامن ڊي جو ڀرپور استعمال ڪنديون آهن، انهن ۾ ڪينسر وڌڻ ۽ موت جو خطرو 30 سيڪڙو گهٽجي ويندو آهي. سندس موجب وٽامن ڊي ڇاتيءَ ۾ ڪينسر جي خلين خلاف مزاحمت ڪندو آهي ۽ ان جي واڌ ويجھ کي بہ روڪيندو آهي. ماهرن واضح ڪيو آهي تہ وٽامن ڊي جي گهٽتائي ٻين قسمن جي ڪينسر ۾ بہ مبتلا ڪري سگهي ٿي. سندن تجويز موجب ان لاءِ کير، مڇي ۽ وٽامن ڊي جي سپليمنٽس جو استعمال ڪيو وڃي.

فالج کان بچائيندڙ :-

هفتي ۾ ٻہ ٽي ڀيرا مڇي کائيندڙ ماڻهن ۾ فالج جو دورو پوڻ جو خطرو هنن ماڻهن کان گهٽ آهي جيڪي مڇي نہ کائيندا آهن يا وري تمام گهٽ کائيندا آهن. اِها ڳالھ سويڊن جي ڪيرولنسڪا انسٽيٽيوٽ جي ماهرن سوزانہ لارسن، نڪولا ۽ سني جي سائنسي اخبار ”اسٽروڪ“ ۾ ڇپيل تازي رپورٽ ۾ ٻڌائي وئي آهي.

ماهرن جو چوڻ آهي تہ مڇي ۾ موجود اوميگا ٿري فيٽي ايسڊ سان رت جي داٻ ۽ ڪولسٽرول تي سُٺو اثر پوي ٿو جنھن سان فالج جو خطرو پڻ گهٽجي ٿو. اِهو نتيجو آمريڪا، يورپ، جاپان ۽ چين ۾ جاري 15 تحقيقن جو آهي. هنن مان هر ريسرچ ۾ ماڻهن کان پڇيو ويو تہ اُهي هفتي ۾ ڪيترا ڀيرا مڇي کائيندا آهن. بعد ۾ 4 کان 30 سالن ۾ اِهو ڏٺو ويو تہ هنن مان ڪيترن ماڻهن کي فالج جو اٽيڪ ٿيو.

آمريڪا جي هاورڊ اسڪول ۾ وچڙندڙ بيمارين جي ماھرن مطابق مڇي ۾ ڪل اوميگا ٿري سان گڏ اضافي غذائي خاصيتون موجود آهن جنھن سان فالج جو خطرو گهٽجي ٿو، مڇي ۾ موجود وٽامن ڊي، سلينيم سان گڏ مختلف پروٽينن سان فالج کان بچاءُ ٿيندو آهي. تحقيق جا انگ اکر 30 کان 103 سالن جي عمر جي 4 لک ماڻهن کان گڏ ڪيا ويا. نتيجي مان پتو پيو تہ هر هفتي ٻہ ٽي ڀيرا مڇي کائيندڙ ماڻهن ۾ فالج جو خطرو 6 سيڪڙو گهٽجي وڃي ٿو. تحقيق ۾ ڪثرت سان مڇي کائيندڙ ماڻهن ۾ فالج جو خطرو هنن ماڻهن کان 12 سيڪڙو گهٽ آهي جيڪي تمام گهٽ مڇي کائيندا آهن.  تحقيق مطابق تريل مڇي يا فش سينڊوچ کائيندڙ ماڻهن کي فالج ۾ فائدو نہ ٿيو پر  بنا تريل مڇي کائڻ سان فالج جو خطرو گهٽيو. فالج جو خطرو گهٽائڻ لاءِ صحتمند خوراڪ کائڻ، وڌيڪ ورزش ڪرڻ سان گڏ معمول مطابق چيڪ اپ ڪرائڻ جو شعور بيدار ڪرڻ هنن ماڻهن لاءِ بہ فائديمند آهي جيڪي مڇي هرگز نہ کائيندا آهن يا وري تمام گهٽ کائيندا آهن.

https://mydiaryasgharsagar.blogspot.com/2018/12/vitamin-d_17.html

By Asghar Ali Chandio

وڌيڪ پڙهو