وٽامن پي Vitamin P | اصغر ساگر

 وٽامن پي       Vitamin P

اصغر ساگر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وٽامن پي 1930ع جي ڏھاڪي ۾ دريافت ٿي پر ھن جو ذڪر تمام گهٽ ٿئي ٿو. ھي وٽامن جسم جي دفاعي نظام کي مضبوط ڪري ٿو ۽ ان جا ڪيئي فائدا آھن. اسان ڄاڻون ٿا تہ وٽامن سي جي روزانو خوراڪ چمڙي کي خوبصورت بنائي ٿي ۽ وٽامن ڊي ھڏين کي مضبوط ڪري ٿي پر وٽامن پي نظرانداز ڪيل جسم جي مدافعتي نظام کي مضبوط ڪري ٿي ۽ شڳر خلاف لڙي ٿي.

ماھرن وٽامن پي کي دل جي مرضن سان لڙندڙ اثرانگيز ھٿيار قرار ڏنو آھي پر وٽامن پي کي درحقيقت فلوڏ Flavonoids جھڙن ڪيمياڻ جي مجموعن کي سڏجي ٿو جن جي تعداد 6000 کان وڌيڪ آھي. ميوا ۽ سبزيون ان ۾ اچي وڃن ٿا. 

غذائيت سان ڀرپور ھي وٽامن بي رنگ ڪولاڄن پيدا ڪري ٿي جنھن سان رت جي شريانين ۔ ڏورن ۽ چمڙي کي تاندوري مواد فراھم ٿئي ٿو ۔ چمڙي تازي تواني ۽ جوان رھي ٿي گڏوگڏ وٽامن پي ھڏين ۽ ڏندن کي مضبوط بنائي انهن کي بھتر حالت ۾ رکي ٿي. ان کان علاوا ڪينسر ۽ دل جي مرضن کي دور ڪري ٿو. وٽامن پي ۽ فلوڏ Flavonoids تمام رسدار ميون ۾ پاتا وڃن ٿا جن ۾ سنگترو ۔ نارنگي ۔ ليمو ۽ ان قبيلي جا ميوا اچي وڃن ٿا.

انگريزي جريدي د جنرل آف نيوٽريشن جي تحقيق مطابق ميون يا رس سان ڀرپور غذا وٽامن پي يا فلوڏ flavonoids جي حصول جو مرڪزي ذريعو آھن. ھن جو استعمال ڪندڙ ماڻھن ۾ 31 سيڪڙو فالج جو خطرو گهٽ رھي ٿو. اھڙي طرح فلوڏ جسم ۾ رت جي گردش ۔ بي پي ۽ پت جي سطح کي بھتر بنائن ٿا. ڏينھن ۾ 2 ڪوپ چانھن سليماني يا سبز پيئڻ جي صورت ۾ انهن ۾ پاتو ويندڙ فلوڏ دل جي صحت کي بھتر بنائڻ ۾ اھم ڪردار ادا ڪن ٿا.

روزانو ھڪ گلاس نارنگي جو رس پيئڻ سان بي پي معمول تي رھي ٿو ۽ پت بہ قابو رھي ٿي. نيري اسٽرابيري ۽ ٻيون اسٽرابيريون فلوڏ Flavonoids سان ڀرپور ٿين ٿيون.

ٻئي طرف سليماني چانھن ۾ پاتا ويندڙ فلوڏ Flavonoids شريانين جي سختي دور ڪن ٿا. اھي سڀ وٽامن پي جي زمري ۾ اچن ٿا. ماھرن مطابق فلوڏ Flavonoids جي استعمال سان جسم کي بي پناھ طاقت ملي ٿي.

وٽامن پي کٽن ميون جيئن ليمي ۔ ڏاڙھون ۔ نارنگي ۔ مالٽا ۔ الوبخارا - مالٽا ۽ ڳاڙھين گجرن - انگور ۽ املوڪ - اسٽرابيري ۔ انناس - سائي زيتون - بادام - اخڙوٽ ۔ آنو ۔ زيتون جو تيل - زردالو ۽ مڪئي وغيرھ ۾ ملي ٿي. ان کان علاوا ڳاڙھي بصر ۔ ڦڪي بصر - گل گوبي ۔ بند گوبي ۔ پالڪ - ساون مرچن ۔ شملا مرچن ۔ ڳاڙھن مرچن ۔ مڇي - گوشت ۔ مٺن پٽاٽن ۽ ايڪڏو وغيرھ ۾ پاتي وڃي ٿي.

https://mydiaryasgharsagar.blogspot.com/2018/12/vitamin-p.html

ھلندڙ