وري ڪوشش ڪر Try again

وري ڪوشش ڪر

"اصغر ساگر"

۔۔۔۔۔۔۔۔۔۔۔۔۔۔۔۔۔۔۔۔

زندگي جھد جو نالو آھي ۔ اڳتي وڌڻ جو عزم آھي ۔ راھن ۾ ڪري سنڀلجڻ جو حوصلو آھي ۽ جنھن جھد ۽ عزم سلهاڙيو منزل انهن جي آھي. اھڙن ماڻھن جا مثال اسان وٽ موجود آھن جن جي واٽ اپنايون تہ ڪڏھن بہ ڀٽڪي نٿا سگهون ۽ ڪاميابي سان ھمڪنار ٿي سگهون ٿا.

مائيڪل جارڊن

ھن کي اسڪول جي باسڪيٽ ٽيم مان ڪڍيو ويو ۔ گهر ۾ اچي پاڻ کي ڪمري ۾ بند ڪيائين ۽ ڪلاڪن تائين روئيندو رھيو. بعد ۾ اھو ئي ڇوڪرو 6 ڀيرا باسڪيٽ بال چيمپين بنيو جنھن کي دنيا مائيڪل جارڊن جي نالي سان سڏي ٿي.

۔

۔

۔

۔

البرٽ آئنسٽائين

چئن سالن تائين والد اھو سوچيندا رھيا تہ ھي گونگو آھي. چئن سالن جي عمر ۾ ھن پھريون ڀيرو ڳالهايو. ھن جي والدين کي فڪر ھوندي ھئي تہ ھي ھن دنيا ۾ ڪيئن گذاري سگهندو. اھو ئي ڇوڪرو البرٽ آئنسٽائن ھيو جنھن کي دنيا جو عظيم سائنسدان مڃيو وڃي ٿو.

۔

۔

۔

والٽ ڊزني

ھن کي اخباري نوڪري مان اھو چئي ڪڍيو ويو تہ ھن وٽ ڪابہ تخليقي صلاحيت ناھي ھن وٽ ڪي بہ اصلي خيال ناھن. اھو ئي شخص اڳتي ھلي والٽ ڊزني بنيو جيڪو مڪي مائوس جي ڪرادرن کي جوڙڻ وارو ھيو.

۔

۔

۔

ليونل ميسي

11 سالن جي عمر ۾ ٽيم مان ڪڍيو ويو ان ڪري جو ھي ھڪ بيماري جو شڪار ھيو جنھن مطابق انسان جو قد وڌڻ رڪجي وڃي ٿو. ھي ٻين ٻارن کان گهڻو ننڍو نظر ايندو ھيو. معاشري ۾ انوقت ھن جومذاق اڏاريو ويندو ھو. اھو ئي ڇوڪرو فٽ بال ۾ اڄ ليونل ميسي جي نالي سان مشھور آھي.

۔

۔

۔

اسٽيو جابز

30 سالن ۾ ھن تباھ حال حالت ۾ تنھا ڇڏيو ويو. ھن جي شيئر ھولڊر ھن کي ڪمپني مان ڪڍي ڇڏيو جنھن کي ھن ٺاھيو ھو. ان ئي شخص دنيا ۾ ٽچ اسڪرين ٽيڪنالاجي کان واقف ڪيو ۽ دنيا ان کي ايپل جي باني اسٽيو جابز جي نالي سان سڃاڻي ٿي.

۔

۔

۔

سر ٿامسن ايڊيسن

استاد ھن کي اسڪول مان ڪڍيو اھو چئي توکي ڪجھ بہ سمجھ ۾ نٿو اچي تون نالائق آھين...اھو ئي جڏو ڇوڪرو اڳتي ھلي بجلي جي بلب سان گڏ 1000 ايجادن جو مالڪ بنيو جنھن کي سر ٿامس ايڊيسن چيو وڃي ٿو.

۔

۔

۔

ڊاڪٽر سيس

ھن جي پھرئين ڪتاب 27 پبلشرن رد ڪيو ۽ ڇاپڻ کان انڪار ڪيو.... اڳتي ھلي اھو ڊاڪٽر سيس انگلش ادب جي تاريخ ۾ ٻارن ۾ وڌيڪ پڙھيو ويندڙ مصنف بنيو.

۔

۔

۔

ابراھيم لنڪن

مڱيندي جي موت ٿي وئي ۔ ڌنڌو ناڪام ٿيو ۔تعليم بيھي رھي ۔ اٺ  دفعا اليڪشن ۾ شڪست ملي. اھوئي شخص اڳتي ھلي آمريڪا جو صدر بنيو جنھن کي دنيا ابراھيم لنڪن جي نالي سان سڏي ٿي.

ياد رکو توھان ڪڏھن بہ ناڪام نہ ٿيئو ان جو مطلب آھي توھان ڪڏھن بہ ڪوشش نہ ڪئي آھي.