"ا"صغر ساگر
سردي جو آغاز ٿيڻ سان ماڻھن جي کائڻ جو رجحان وڌي وڃي ٿو. ھن موسم اونهاري جي ڀيٽ ۾ کائڻ کي وڌيڪ ترجيح ڏني وڃي ٿي. ماھر ھن موسم ۾ خشڪ ميون جي کائڻ کي بھتر تصور ڪن ٿا. سياري ۾ ڪھڙيون شيون گهٽ کائجن ان جي باري ۾ معلومات ڏجي ٿي.
کير :-
ڏسجي تہ کير کي مڪمل غذا مڃيو وڃي ٿو پر سياري ۾ بھتر آھي تہ ھن جو استعمال گهٽ ڪيو وڃي. ماھرن مطابق سياري ۾ کير بلغم کي وڌائي ڳلي جي خارش جو سبب بنجي ٿو.
مشروب :-
ھر شخص ھن موسم ۾ کير ۽ چانھن جي استعمال کي پسند ڪري ٿو پر انهن مشروبن ۾ موجود چرٻي ۽ ڪيفين کي ذھن ۾ رکڻ جي ضرورت آھي. ھي مشروب جسم ۾ پاڻي جي کوٽ جو سبب ٿي سگهن ٿا. ان ڪري انهن کي وڌيڪ نہ پيئجي ۽ پاڻي کي ترجيح ڏجي.
گوشت :-
گوشت پروٽين جي حاصل ڪرڻ جو بھترين ذريعو آھي. پر گهڻو پروٽين بي پي ۽ ڳلي جي مرضن جو سبب ٿي سگهي ٿو خاص ڪري وڏو گوشت. ان ڪري بھتر آھي تہ ھن موسم ۾ ڪڪڙ ۽ مڇي کي ترجيح ڏجي.
تريل شيون :-
تريل شيون Transfat چرٻ کان بہ ڀرپور ٿين ٿيون غذائي فائدي بجاء اڃان جسم ۾ ڪيلريون وڌائن ٿيون نتيجي طور بدھضمي بي پي ۽ معدي جا مسئلا ڪر کڻن ٿا.
مٺيون شيون کائڻ :-
ماھرن مطابق سياري ۾ مٺيون شيون کائڻ سان جسماني نظام ڪمزور ٿي سگهي ٿو ۽ مختلف مرض جسم کي پنھنجي وڪڙ ۾ آڻي سگهن ٿا.
لوڻ وار کاڌا کائڻ :-
سياري جي موسم بي پي ۽ فالج جي موسم آھي. ھن موسم ۾ جيترو ٿي سگهي اوترو لوڻ جو گهٽ استعمال ڪجي ڇوجو لوڻ جسم ۾ گڏ ٿيندو رھي ٿو ۽ لوڻ جو نيڪال جسم مان گهٽ ٿئي ٿو نتيجي طور ھن موسم ۾ بي پي ۽ فالج اڀار کائن ٿا ۽ گهڻا موت واقع ٿين ٿا.
بيدو کائڻ :-
جن ماڻهن کي بي پي جو عارضو رھي ٿو اھي سياري ۾ بيدي کائڻ کان پرھيز ڪن ڇوجو بيدي ۾ گهڻي چرٻاڻ ٿئي ٿي ۽ بي پي کي وڌائي سگهي ٿي.
0 comments:
Post a Comment