ھي ميوا توھان جي طبيعت کي ظاھر ڪن ٿا.توھان چئني ميون ڏي ڏسو جيڪو ميوو اوھان کي وڻي ٿو اھو ميوو اوھان جي مزاج کي ظاھر ڪري ٿو.
1) نارنگي (2) صوف (3) ڪيلو (4) ناريل
نارنگي Orange
توهان ۾ بي انتھا صبر ۽ ذهني قوت آهي. توهان شين کي آهستگيءَ سان ڪيو ٿا پر انهن ۾ ڳُوڙهي نموني شامل ٿي ڪنھن بہ شئي ڏانھن ڌيان نٿا ڏيو. توهان شرميلا آهيو، پر بااعتماد ۽ ڀروسي جوڳا دوست بہ آهيو. توهان جو ذهن بہ ڏاڍو نفيس آهي ۽ توهان پنھنجي ساٿيءَ جي چونڊ سوچي سمجهي ڪندا آهيو. توهان سچي دل سان پيار ڪندا آهيو ۽ هر قيمت تي جهيڙي کي ٽارڻ گهرندا آهيو.
صوف Apple
توهان هٿ جا ڇُوٽَ، پورالا ۽ بي ڌڙڪ راءِ ڏيندڙ آهيو ۽ ڪجھ جذباتي بہ آهيو. اهو ٿي سگهي ٿو تہ توهان بھترين منتظم نہ هجو، پر توهان بهتر اڳواڻ ثابت ٿي سگهو ٿا ۽ شين کي اڳيان وڌائڻ ۾ بھتر نموني سان پنھنجو حصو ادا ڪري سگهو ٿا. انيڪ صورتحالن ۾ اوهان تڪڙو قدم کڻي سگهو ٿا. توهان کي سفر ڪندي مزو اچي ٿو. توهان جڏهن پنهنجي دوستن سان گڏ هوندا آهيو تہ بيحد فرحت ۾ هوندا آهيو. اوهان کي زندگيءَ سان اڻ ميو چاھ هوندو آهي، جيڪو گهڻن وٽ نہ هوندو آهي.
ڪيلو Banana
طبيعت جي حوالي سان اوهان نرم مزاج، محبت ڪندڙ ۽ پُرخلوص آهيو، توهان گهڻو ڪري خوداعتماديءَ جي کوٽ جو شڪار هوندا آهيو ۽ فطرتن ڊڄڻا هوندا آهيو. گهڻا ماڻهو خاص طور اوهان جي مٺي طبيعت ۽ صورتحال اڳيان مُنجهڻ مان فائدو وٺندا آهن. توهان پنهنجي ساٿيءَ جي جسماني ۽ ذهني سونهن جي لاڳيتي تعريف ڪندا آهيو ۽ توهان جي اهڙي طبيعت جي ڪري توهان جي تعلقاتن ۾ سدائين هم آهنگي رهندي آهي.
ناريل Coconut
ناريل کي پسند ڪندڙ بيحد سنجيده، ڳُوڙهي سوچ وارا ۽ گيان ڌيان ڪرڻ وارا هوندا آهن. جيتوڻيڪ توهان کي ماڻهن سان ملڻ پسند آهي، پر اوهان پنهنجي ساٿين جي چونڊ بابت ڏاڍا محتاط هوندا آهيو. توهان ضدي بڻجڻ گهرندا آهيو، پر ان ۾ عقل جو دامن نہ وڃائيندا آهيو. حاضر دماغ، هوشيار ۽ فھميدو هئڻ جي ڪري، توهان جي سدائين اها ڪوشش هوندي آهي، تہ هر صورتحال ۾ ۽ پاڻ کي ڏنل هر ڪم ۾ اوهان مٿاهين مقام تي هجو. توهان کي هڪ عقلمند ساٿيءَ جي گهرج هوندي آهي ۽ جيتوڻيڪ صبر خاص اهميت رکي ٿو، پر اهو اوهان لاءِ سڀ ڪجھ ناهي.
0 comments:
Post a Comment