Pimples on face
چھري جا داڻا
Or يا
White acne spots on face
White heads
چھري تي چرٻ داڻ
”اصغر ساگر“
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نوجواني ڦوھ جيون رکي ٿي ۔ جنسي اڀار رکي ٿي ۔ موھ طرف مائل رھي ٿي ۔ چاھيندي نہ چاھيندي جنسي رجحان جي ڇڪ رھي ٿي نتيجي طور داڻا نڪرن ٿا. داڻا ان وقت نڪرن ٿا جڏھن غدود سيبيم کي خارج ڪن ٿا سيبم Sebum تيلي مادو پيدا ڪن ٿا ۽ ضرورت کان وڌيڪ فعال ٿي وڃن ٿا ۽ وقت کان وڌيڪ سرگرمي ڏيکارين ٿا ان جو سبب ھارمونن جي تبديلي ھوندي آھي. سيبم جو ھڪ ڪم گهرڙن کي چمڙي تائين وٺي وڃڻ آھي پر وڌيڪ ھارمون خارج ٿيڻ جي ڪري سيبم غدودن جو رستو روڪي ٿو اھڙي طرح سيبم ۽ گهرڙا ٻئي اٽڪ جو شڪار ٿين ٿا ۽ چرٻ داڻن Comedo کي تشڪيل ڪن ٿا. چرٻ داڻا چمڙي جي ھيٺين سطح ۾ اڀرن ٿا اھي اڇي داڻ White heads جي شڪل وٺن ٿا جنھن جي ڪري اڳتي ھلي منھن جو رنگ ڪارسرو ٿيڻ لڳي ٿو ۽ ھي سلسلو جاري رھي ٿو جيسين چمڙي تي داڻا نڪرڻ ٿا.
ڇوڪريون جيڪي 12 سالن جي عمر کان مٿي ۽ ڇوڪرا 13 سالن جي عمر کان مٿي پھچن ٿا تہ داڻا نڪرن ٿا. سائنسدانن مطابق نرزو ھارمون Androgen داڻن جو سبب بنجي ٿو. نرزو انهن غدودن کي فعال ڪري ٿو جيڪي سيبم Sebum کي تشڪيل ڪن ٿا. بلوغت کان پوء ڇوڪرن جي جسم ۾ ڇوڪرين جي ڀيٽ ۾ ڏھوڻ وڌيڪ نرزا ھارمون Androgen پيدا ٿين ٿا. ڪافي ڇوڪريون جن کي ڪپڙن دوران داڻا نڪرن ٿا يا خاص ڪري ڪپڙن اچڻ کان اڳ ھفتو پھرين داڻن ۾ شدت اچڻ جا امڪان رھن ٿا. سڻڀي چمڙي يا سڻڀا وار داڻن جو سبب ناھن پر چھري جي داڻن جي شدت ۽ تيل جي ان مقدار درميان تعلق ضرور رھي ٿو پر ڪافي اھڙا ماڻھو ٿين ٿا جن کي سڻڀي چمڙي رھي ٿي پر داڻا نٿا نڪرن ۽ ڪافي خشڪ چھرن وارن داڻا نڪرن ٿا.
دوائن کائن سان ڇڙھ جو ڪم ٿئي ٿو چھري تي خارش جھڙي ڪيفيت ۽ خشڪي پيدا ٿئي ٿي ۽ مئل گهرڙا چمڙي کان الڳ ٿي وڃن ٿا. دوائون بيڪيٽيريائن جي جڙت کي روڪن ٿيون جنھن سان چرٻي وارن تيزابن جي بنجڻ ۾ گهٽتائي اچي وڃي ٿي جيڪي داڻن جو سبب بنجن ٿا.
داڻن کي پٽڻ يا رڳڙڻ نہ کپي اڃان چمڙي منجهندي چمڙي جا اوڄا متاثر ٿيندا. ھي داڻن جو اھم سبب آھي پر داڻن جا ٻيا سبب بہ ٿي سگهن ٿا.
داڻ جي ڪري چمڙي جي رنگ ۾ فرق اچي ٿو منھن تي ڪٿئي يا ڪارا داغ بنجي وڃن ٿا داغن جي سطح وڌندي گهٽجندي رھي ٿي. داڻ جي ڪري چھري تي ڪو فرق نٿو پوي. چھري تي داڻ وٽامن بي ۔ ڪيلشم ۽ فولاد جي گهٽتائي جي ڪري ٿئي ٿي. اسان کي ھي ڳالھ نوٽ ڪرڻ کپي تہ جيڪڏھن ڳل تي داڻا نڪرن ٿا انهي کي ڦڦڙن جي ڪمزوري بہ سمجهي سگهجي ٿي. ان ڪري صبح جو تازي ھوا وٺڻ لاء صبح جو گهمجي. ھي داڻن جا اھم سبب آھي پر داڻن جا ٻيا سبب بہ ٿي سگهن ٿا جن تي روشني وجهجي ٿي.
سبب :-
چمڙي جي نرزن غدودن ۾ بي قائدگي اچڻ.
جنسي ھارمونن ۾ بگيڙ.
ڪئلشم جي کوٽ.
پوٽيشم جي کوٽ.
جيري جي خرابي.
پيٽ.
مينوپاز.
ايميباسس.
دل جي بيماري.
رت جي کوٽ.
ليڪوريا.
قبضي.
وڏي بيماري.
پيٽ جا ڪيڙا.
جسم ۾ وٽامن اي جي کوٽ.
چڙچڙوپن
ذھني مونجھ.
پريشاني.
شراب
تماڪ بوشي
وڏي عرصي تائين دوائن جو استعمال ڪرڻ.
ننڊ جون گوريون کائڻ.
گھرو ميڪپ ڪرڻ.
بار بار بليچ ڪرائڻ.
اس ۾ گهمڻ.
سستي ۽ ڪيميائي جزن واري ڪاسميٽڪ استعمال ڪرڻ.
روج.
فائونڊيشن.
ھيئر ڊاير استعمال ڪرڻ.
احتياط :-
اس ۾ نہ نڪرجي.
ذھني مونجھ کان آزاد رھجي.
رات جو دير تائين نہ جاڳجي.
رات جو سمھڻ وقت ميڪپ لاھجي ۽ منھن ڌوئجي.
ھيئر ڊاير کان پرھيز ڪجي.
رت پيدا ڪندڙ شيون کائجن.
پاڻي وقفي وقفي گلاس پيئندو رھجي.
چھري جي بليچ نہ ڪرائجي.
ڪاسميٽڪس جو استعمال نہ ڪجي ڇوجو چھري تي ڇوت جو خطرو رھي ٿو.
علاج :-
ھيٺ سولن نسخن سان علاج بيان ڪجي ٿو جيڪي چھري تان مئل گهرڙن کي ھٽائيندا ۔ چمڙي کي صاف ڪندا ۽ مسامن کي کوليندا. ڪوبہ ھڪ نسخو استعمال ڪجي سڀ نسخا ھڪ وقت استعمال نہ ڪجن.
(1) نسخو
ماکي ننڍو چمچو
عرق گلاب ننڍو چمچو
پنج بوندون انگوري سرڪو
ملائي منھن کي لائجي.
(2) نسخو
صندل پائوڊر اڌ چمچو
ھيڊ چپٽي
کير 4 چمچا
پاڻ ۾ ملائي منھن کي لائجي.
(3) نسخو
کيري جو رس چمچو
گجر جو رس چمچو
ٽماٽي جو رس چمچو
ملائي منھن کي لائجي.
(4) نسخو
پپيتي جي ٽڪر کي منھن تي ڦيرجي.
(5) نسخو
موري جو رس چمچو
ماکي اڌ چمچو
ملائي منھن تي لائجي.
نوٽ :-
ڪوبہ ھڪ نسخو استعمال ڪجي ھڪ وقت سڀ نسخا استعمال ڪجن.
5) نسخو
موري جو رس چمچو
ماکي اڌ چمچو
ملائي منھن تي لائجي.
(6) نسخو
بيسڻ چمچو
کير چمچو
ملائي منھن کي لائجي.
لڳائڻ سان داڻا ختم ٿيندا ويندا.
(7) نسخو
3 بادام کير ۾ گهوٽي منھن کي لائجي.
(8) نسخو
نازبو جي پنن کي پاڻي ۾ گهوٽي رات جو منھن تي لائجي ۽ صبح جو ڌوئجي.
(9) نسخو
ماکي چمچو
ڏھي چمچو
ملائي منھن تي رات جو ھڻجي ۽ صبح جو منھن ڌوئجي.
(10) نسخو
کيري جو رس ھفتي ۾ 2 ڀيرا منھن کي لائجي.
(11) نسخو
پٽاٽي جو رس منھن کي ھڻجي نشان ختم ٿي ويندا.
(12) نسخو
پڪل ڪيلي جي اندرين کل منھن تي ڦيرجي.
چھرو صاف ٿيندو ۔ چمڙي تان مئل گهرڙا لھندا ۽ جڳ مڳ جرڪاڻ پيدا ٿيندي.
(12) نسخو
ڏاڙھون جو شربت دتو ڪمپني 2 ٻجيون گلاس پاڻي ۾ ملائي صبح جو پيئجي.
ڪاسني جو شربت دتو ڪمپني 2 ٻجيون مني گلاس پاڻي ۾ ملائي شام جو پيئجي.
(13) نسخو
جيڪڏھن فولاد ۽ ڪيلشم جي کوٽ ھجي
جيرو تولو
پالڪ جو ٻج پسارڪي دڪان وارو تولو
ڌاڻا سڄا سڪل تولو
مصري 3 تولا
سڀ وکر ملائي ڪٽي پائوڊر ڪجن.
چپٽي روز پاڻي سان شام جو.
